خيال الصفراء
يا معجب ان كنت فاضي منت مشغوول = تعال ابا آخذ علومك يالعطاوي
سمعت علم ٍ صراحه غير معقول = انّه سفير البلد ياخذ رشاوي
معجب العتيبي
ايصول بعض العرب بالفكر ويجول=يالله دخيلك من اسباب البلاوي
ياللي فتحت الاذن بالعرض والطول=استحمل اللي يجي من كل غناوي
خيال الصفراء
الوضع خربان واصبح غير مقبول = في كل ليله يجي للموت ضاوي
ان كان سيف العدل ما هوب مسلول = البيت يصبح من اهل البيت خاوي
معجب العتيبي
مافيه شيٍ على اهل العرف مجهول=الا الممات ويجي ماله حراوي
ياالربع شوفوه ثم قولوا وش ايقول=ماينكر الحق رجالٍ غاوي
خيال الصفراء
انا احسبنك تجي للوضع بحلول = والضاهر انك يا معجب منت ناوي
آثرك يا رجل ما تفهم على طول = الله يشفيك يالقلب العناوي
معجب العتيبي
الظاهر انك تعشى رز مع فول=وشلون دورت للصاحي مداوي
دم البلد فيه ناسٍ تملك عقول=لاتشيل همه ولايلحقك لاوي
خيال الصفراء
ماني وانا راعي الوقفات مبدول = لي ماقفي يوم كثرن العزاوي
الله يعز الذي له قول وفعول = واللي بعد لبسّك بشتٍ حساوي
معجب العتيبي
انا اشهد انك كفو وتقول وتطول=لكن مافيه حاجه بالمناوي
بعض الحكي ياولد ماهوب مقبول=حتى ولو ينقله للناس راوي
خيال الصفراء
اتجول يا صاحبي بالعرف وتصول = وفاهم يبو زيد في علم الخلآوي
اللي عن الحكيّ يبو زيد ماسول = الله ينزل عليه امر ٍ سماوي
« آخـــر الـــمـــشـــاركــــات »
08-Jan-2010, 09:43 PM
العرض الشجري