مهندس القاف =
يامكافحة الشغب غازكم يذبح شعب=كم عيونٍ من سببكم تهل دموعها
المصيبه صف سادس ليا منه كتب=لبسوه ببدلـةٍ ملتـوي قبوعهـا
سعود العصيمي =
في مكافحة الشغب مانجح غير الصعب=والعيون ام الدمع شرهـا بضلوعهـا.
النجـوم نجـوم وانوارهـا ماينحجـب=واهل سادس ماني امكلف اقطع جوعها.
مهندس القاف =
السريره لاتقـرر عليهـا ياعجـب=ارحم اللي جاب مهر المره ودفوعها
عند مثلي لو تثنون للعلـم الركـب=للفضاء يمدي عتيبه وصل مشروعها
سعود العصيمي =
يالآديب انخاطب الناس بحدود الادب=والعرب نفاعها ماسمـع منفوعهـا.
يامفتل فالشنب غيرك امفتل شنـب=وانته ابسمعك وكل العرب بسموعها.
مهندس القاف =
لاتلاحق نار الايتام بدقـاق الحطـب=كان لك فاسٍ يقص الشجر من قوعها
النحاس اليا اعتلت قيمته فوق الذهب=قفلت كل المصانع جميـع فروعهـا
سعود العصيمي =
يامهندس احسبك شاعرٍ مافيك طب = واثرك اتطب الوغى ماتعرف دروعها.
منتخبنا فالخليج افضل افضل منتخب = ماخذن كأس البطوله على مجموعها.
مهندس القاف =
ظافرٍبالزين ابو دين واموال ونسـب=عكس من تترب يدينه ويلحس كوعها
سامي الجابر يسنتر ثمان ليـا لعـب=لا تقول المانيـا منتخبـك يروعهـا
سعود العصيمي =
حفرة الزهلول تاسعك ياراع العتب = الحقيقة شمسها طالعة بطلوعها.
الدعيع حارس الباب والله ماتتب = كورتك من قدم بابه علاك ايصوعها.
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|
« آخـــر الـــمـــشـــاركــــات »
العرض المتطور
