طلب من الاخ قحص او اي احد الاخوه

[أبو مرحبا]

مزاح

مرحبا بك في منتدى عتيبه الهيلا
بين ربعك وعيال عمك

ابن منيف ماقصر جاب القصيده
لاهنت يابن منيف على قصيدة شديد الحثري

قال العصيمـي بـادي ٍ راس قنـه=في قنـة ٍ عديـت عالـي رقيبهـا
ماحولي الا هامل الصيـد والخـلا=وشهب الذياب اللي تعـاوا قنيبهـا
ابني بيوتٍ كنهـا ذايـب العسـل=أو در عرب من محالـي حليبهـا
يالله يالمطلـوب ياقايـد الـرجـا=ياخالـق الامـه ومبـدي نصيبهـا
يامقسـم ارزاق المخاليـق كلهـا=يا موجـد الانفـس ويـا معتنيبهـا
ياقاهر الطاغـي وياقامـع الخنـا=ونفس تعثوا بـك عليـك تعذيبهـا
يارب توحي جابتي عنـد حاجتـي=ياخالـقٍ روح البنـادم حسيبـهـا
ارجيك يوم انك براجيـك تعتنـي=وعين ترجـاك الرجـا لا تخيبهـا
تطرح لنا غيث صدوق بـه الحيـا=يسقي ديـاراً بالقسـا نلتـوي بهـا
وانك تعاونا علـى مايـل الدهـر=وتكسي مدايرنا بخضـرة عشيبهـا
ماني بخبل نومته حـزة الضحـى=ولا من رخوم شينها فـي قريبهـا
من آلاد عاصم كل ما جـا دعيـه=تذيـل الحجـه وتفلـج طليبـهـا
وان جا عليهم من خصيـم حرابـه=ربعي مضـراة ٍ بلطمـة حريبهـا
تفدع شيوخ القوم في حومة الوغى=بمسلب تشلـح ترايـب صويبهـا
مسلب ٍ كـن الـزوارق ارقابهـا=من الصيد حناها وعـدل خشيبهـا
للضيق ومبـادا الـردى متعبينهـا=صنعـة فرنجـي ٍ قـوي ٍ لهيبهـا
نرعى بهن مـن سنيـن العشايـب=في ديرة ٍ قفر خـلا مـا وطيبهـا
ونركب بهنه فوق عوص النجايـب=هجن وجيـاد زرع قلبـي جنيبهـا
يوم ولد الـلاش تـرك وجوبهـن=والقالـه الدنيـا لديـن رضيبـهـا
اللاش دايـم نقمـة ٍ لابـن عمـه=لو كان ماله حجـة ٍ يدعـي بهـا
جونا كما ثعل البرد مـن مخيلتـه=قدام عين الشمس تـدرك مغيبهـا
من فوق جردٍ كن أضاحي نحورهن=فقـوح الادام اليـا تقافـا هريبهـا
وقمنا عليهم قومةٍ تعجـب النطـر=والقرم باسم اخته عدا يعتزي بهـا
نشهر عزاوينـا ونطلـق مهارنـا=ونطلق اللي طامح ٍ مـن خطيبهـا
كم من عيطموس من جراير فعلونا=غبة نهار الكـون تبكـي حبيبهـا
ذبحي من الصعران تسعه ببندقـي=بالمارتيـن اللـي سريـع نديبهـا
وخمسة عشر جيش عليها الاهلـه=وباقـي عدايدهـا لمـن يستنيبهـا
والله يالولا الليـل عنهـم حدانـي=ما اخلي اللي راكب فـي نجيبهـا
من يوم ثار الملح ما اتب ولا زمى=هذيـك نعطبهـا وهـذي نعيبـهـا
ياذيب ياللي في خشـوم ذهلانـي=فالرايغه واعلى عـلاوي شعيبهـا
اقنب لذيـب ٍ يـم خشـم الزبـاره=وعيد على هجن ٍ ونشر عصيبهـا
تشبع جعيـرات وتشبـع حنـادي=وعلى العشا تدع المكاحيـل ذيبهـا
وهذي علوم الصدق ياجاهل ٍ نهـا=ولاني بقايل سالفـه مـادري بهـا
وختامها مني صلاة ٍ علـى النبـي=عد النجوم وعد مـن يهتـدي بهـا

لاهنت يابن منيف مرة ثانيه

التوقيع

إن قلَّـت الوزنـه وربعـي مشافيـح ** أخلـي الوزنـه لربعـي واشـومـي