طلب من الاخ قحص او اي احد الاخوه

[ابن منيف]

ابشر بسعدك اخوي مزاح
اذا كنت تقصد قصيدته المشهوره فتفضل

قال العصيمي بـادي ٍ راس قنـه = في قنـة ٍ عديـت عالـي رقيبهـا
ماحولي الا هامل الصيـد والخـلا= وشهب الذياب اللي تعـاوا قنيبهـا
ابني بيوتٍ كنهـا ذايـب العسـل= أو در عرب من محالـي حليبهـا
يالله يالمطلـوب ياقايـد الـرجـا= ياخالق الامـه ومبـدي نصيبهـا
يامقسـم ارزاق المخاليـق كلهـا= يا موجد الانفـس ويـا معتنيبهـا
ياقاهر الطاغـي وياقامـع الخنـا= ونفس تعثوا بـك عليـك تعذيبهـا
يارب توحي جابتي عنـد حاجتـي= ياخالـقٍ روح البنـادم حسيبـهـا
ارجيك يوم انك براجيـك تعتنـي= وعين ترجاك الرجـا لا تخيبهـا
تطرح لنا غيث صدوق به الحيـا= يسقي دياراً بالقسـا نلتـوي بهـا
وانك تعاونا علـى مايـل الدهـر= وتكسي مدايرنا بخضرة عشيبهـا
ماني بخبل نومته حـزة الضحـى= ولا من رخوم شينها فـي قريبهـا
من آلاد عاصم كل ما جـا دعيـه= تذيـل الحجـه وتفلـج طليبـهـا
وان جا عليهم من خصيم حرابـه= ربعي مضراة ٍ بلطمـة حريبهـا
تفدع شيوخ القوم في حومة الوغى= بمسلب تشلـح ترايـب صويبهـا
مسلب ٍ كـن الـزوارق ارقابهـا= من الصيد حناها وعـدل خشيبهـا
للضيق ومبـادا الـردى متعبينهـا= صنعة فرنجـي ٍ قـوي ٍ لهيبهـا
نرعى بهن مـن سنيـن العشايـب= في ديرة ٍ قفر خـلا مـا وطيبهـا
ونركب بهنه فوق عوص النجايب= هجن وجياد زرع قلبـي جنيبهـا
يوم ولد الـلاش تـرك وجوبهـن= والقالـه الدنيـا لديـن رضيبهـا
اللاش دايـم نقمـة ٍ لابـن عمـه= لو كان ماله حجـة ٍ يدعـي بهـا
جونا كما ثعل البرد مـن مخيلتـه= قدام عين الشمس تـدرك مغيبهـا
من فوق جردٍ كن أضاحي نحورهن= فقوح الادام اليـا تقافـا هريبهـا
وقمنا عليهم قومةٍ تعجـب النطـر= والقرم باسم اخته عدا يعتزي بهـا
نشهر عزاوينـا ونطلـق مهارنـا= ونطلق اللي طامح ٍ مـن خطيبهـا
كم من عيطموس من جراير فعلونا= غبة نهار الكـون تبكـي حبيبهـا
ذبحي من الصعران تسعه ببندقـي= بالمارتيـن اللـي سريـع نديبهـا
وخمسة عشر جيش عليها الاهلـه= وباقـي عدايدهـا لمـن يستنيبهـا
والله يالولا الليـل عنهـم حدانـي= ما اخلي اللي راكب فـي نجيبهـا
من يوم ثار الملح ما اتب ولا زمى= هذيـك نعطبهـا وهـذي نعيبهـا
ياذيب ياللي في خشـوم ذهلانـي= فالرايغه واعلى عـلاوي شعيبهـا
اقنب لذيب ٍ يـم خشـم الزبـاره=وعيد على هجن ٍ ونشر عصيبهـا
تشبع جعيـرات وتشبـع حنـادي= وعلى العشا تدع المكاحيـل ذيبهـا
وهذي علوم الصدق ياجاهل ٍ نهـا=ولاني بقايل سالفه مـادري بهـا
وختامها مني صلاة ٍ على النبـي= عد النجوم وعد من يهتـدي بهـا

ولك مني اجمل التحايا