السلام عليكم ورحمة الله وبركاته
الأخـوهـ الكـرام أبنـاء الهيـلا ,, إعتـذاري لكـم لطـول غيـاب
وكـل عـام وأنتـم بخيـر وتقبـل الله منـا ومنكـم صالـح الأعمـال ...
هنـا <<<
وبمناسبـة سلامـة الأميـر محمـد بـن نايـف مـن الأعتـداء الأثـم الـذي تعـرض لـهـ ,,,
نقـدم بيـن أيديكـم بـوح ومشاعـر مـن شاعـر ,,,
>>> درع نايـف <<<
الوقت صكاته تزلزل بالأوتاد=كنه دوي سلاح قرمن يهله
من الهنادي زادها الموت لاعاد=فيه السخط ناره عليهم مطله
قدامه الشجعان صادر ووراد=وصوب المنايا صلب عزمه يتله
محرم عن النوم والشرب والزاد=ألا ليا منه نزع عرق غله
يشوش راسه لاذكر فعل الأجداد=وينصا السرايا مادخل فيه ذله
إن عودت بالطيب وإن راحت عناد=من خاله وجده خذاها جبله
مثله مثل هاجس قصيدي ليا زاد=يبا يقهويني من الشعر دله
فنجالها يقطع ضرم كل نقاد=مافيه بيت" فيه هزعه وخله
دايم تنومسني على روس الأشهاد=أصدق من حساب السنه والأهله
صخرتها للي له المدح ينقاد=تاصل مقامه وإتفيا بضله
محمد ولد نايف على الأوله ساد=حاز الفخر والعز دقه وجله
يلبس دروع الدين وسيوفه حداد=مع منهج" واضح ومذهب ومله
يوم الفعايل ودها سرج وشداد=شريط علمه لا أرتكا ما يفله
حزامنا الساطي ليا طول الماد=سيف" على الأرهاب ربي يسله
سلامتك ياسيدي مثل الأعياد=يادرع نايف كل ملوي تحله
نحورنا من دونكم درع وعتاد=ونفوسنا بالحق ماهي مقله
اللي تلطم بالردى فالردى باد=دايم عظيم الجاه فوقه يذله
منهو عثاء فالأرض في نشر الأفساد=تطحن رحاة الدين حتى تشله
وحنا لكم وافين في صيف وبراد=ندق خشم المرتدي في محله
ونعرقي الميسم على سود الأكباد=وكل طريق الحق منا يدله
فيحـان بـن رفاعـي بـن شعـف العتيبـي
ساجـر ,,,
« آخـــر الـــمـــشـــاركــــات »
23-Sep-2009, 12:26 PM
>>> فيحـان بـن شعـف <<< درع نايـف
العرض العادي
