رمل الضلوع للشاعر الكبير نايف صقر

[احمد عبدالله]

سجد قلبي على رمل الضلوع وهزه التنهيد= وانا في جوفي خيام الندم والخوف منصوبه

يارب افهق هلاكي والمنايا والدروب بعيد= مادام المودماني للتراب تقوده دروبه

ياغياث الضوامي والثمام وجرهدي البيد= اعذني من جهنم والحشر والموت وكروبه

انا مانيب لامشرك ولافاسق ولاعربيد= انا اللي لا عصى واخطا تجهم واقلقه ثوبه

وانا اللي يرتجف مثل ارتجاف الخايف الرعديد= ليا شاف القبور الضيقات وحس بذنوبه

انا عبدك ولد عبدك وجداني هل التوحيد= خطاياي اخجلتني يالله الغفران والتوبه

انا الانسان حمال النقايض والكمد والكيد= غريق الطين واللذات من راسه لعرقوبه

انا عبدك ياربي وانت تفعل ما تشاء وتريد= سالتك يالله العفو العظيم وهين دروبه

آخر تعديل احمد عبدالله يوم 27-Aug-2009 في 06:50 AM.

[عبدالرحمن الهيلوم]

الله

أبداع

صح السان شاعر الهيلا الاشم


وصح السان الشاعر المبدع الصقر


دمت بود يالغالي

[عبدالله الجـــذع]

من اجمل ماقال المبدع نايف

وانشدها على مااعتقد البشيري

صح لسانه والله يغفر للجميع

الف شكر لك يالغالي

محبك

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[احمد عبدالله]

الاعزاء
ابن عتيبه البار
عبدالله الجذع
شكرا للمرور والتشريف

[يوسف العازمي]

السلام عليكم ورحمة الله وبركاته صح الله لسانه و لسانك تقبل مروري

[ولد عمهوج]

الله الله صح لساان

الشاعر الكبير / نايف صقر ولاهنت على النقل الرائع

[احمد عبدالله]

شكرا لتفاعل الجميع