الهيـــــــــــــلا *** منتدى قبيلة عتيبة - رمل الضلوع للشاعر الكبير نايف صقر

- شعراء قبيلة عتيبة (http://www.otaibah.net/m/forumdisplay.php?f=46)

- - رمل الضلوع للشاعر الكبير نايف صقر (http://www.otaibah.net/m/showthread.php?t=96536)

رمل الضلوع للشاعر الكبير نايف صقر

سجد قلبي على رمل الضلوع وهزه التنهيد= وانا في جوفي خيام الندم والخوف منصوبه

يارب افهق هلاكي والمنايا والدروب بعيد= مادام المودماني للتراب تقوده دروبه

ياغياث الضوامي والثمام وجرهدي البيد= اعذني من جهنم والحشر والموت وكروبه

انا مانيب لامشرك ولافاسق ولاعربيد= انا اللي لا عصى واخطا تجهم واقلقه ثوبه

وانا اللي يرتجف مثل ارتجاف الخايف الرعديد= ليا شاف القبور الضيقات وحس بذنوبه

انا عبدك ولد عبدك وجداني هل التوحيد= خطاياي اخجلتني يالله الغفران والتوبه

انا الانسان حمال النقايض والكمد والكيد= غريق الطين واللذات من راسه لعرقوبه

انا عبدك ياربي وانت تفعل ما تشاء وتريد= سالتك يالله العفو العظيم وهين دروبه

الله

أبداع

صح السان شاعر الهيلا الاشم

وصح السان الشاعر المبدع الصقر

دمت بود يالغالي

من اجمل ماقال المبدع نايف

وانشدها على مااعتقد البشيري

صح لسانه والله يغفر للجميع

الف شكر لك يالغالي

محبك

الاعزاء
ابن عتيبه البار
عبدالله الجذع
شكرا للمرور والتشريف

السلام عليكم ورحمة الله وبركاته صح الله لسانه و لسانك تقبل مروري

الله الله صح لساان

الشاعر الكبير / نايف صقر ولاهنت على النقل الرائع

شكرا لتفاعل الجميع