سعود العصيمي
يالعازمي كم نوع تستخدم من انواع السلاح = قوتك في وقت الحرابه ماهي إبمتوازنه.
نوبٍ طعن خنجر ونوبآ مثل زرقات الرماح = واحيان ضربك ضرب عنقودي وحربك طاحنه.
العازمي
انته مجرّب يالعصيمي فالمواجه والكفاح = والاسلحه متوفّره حسب الظروف الراهنه!!
الليله البارود شاط وزلزل الحزم البراح = مسرح جريمه من رياض العز لين الداهنه!!
سعود العصيمي
انا مامد اللي يعاندني من الكف الشحاح =واللي مضى علم وقضى واللي بقى لاتامنه.
وقتك هذا حط البراقع من على شقر الجناح = حتى عيال البوم باسبابه تدندن دندنه.
العازمي
اليا نوينا بالمعاند مانبا منك السماح = شكرك على عبرود عصملّي لمثلك ساحنه!!
كم قلتلك منته بلاقي من ورى البومه صلاح = واليوم تشكيلي بعد ماصاب قلبك واهنه!!
سعود العصيمي
الاوله فيك اوقعت والثانيه سمٍ ذحاح =لكن انا وياك نصلح والعلوم امثمنه.
ياشعيل ياللي من همومك من يعرفك ماستراح = نص الحمام الدور هاجر والعشاء في موطنه.
العازمي
مانصلح الا عقب ماتلبس دناديش الوشاح = تستقبل اصحاب البشوت وكل حاجه ممكنه!!
رزق الفقارى يالعصيمي من على قرن الوضاح = ياكبرها من مشكله والوقت محدن يضمنه!!
سعود العصيمي
ياعيد انا منهم وفيهم وانت ياطير الفلاح = مانته بعيد اليا بغيت الفيد سيرك ندهنه.
ماسبب الموضوع هذا غير من لاله النجاح =اللي يشوف الدرب بعيونه ويتحادى عنه.
العازمي
الكيف ياسعود العصيمي بعد ماقنّد وفاح = عدّاه صبّابه وصبّه في حثول الكاهنه!!
مارد قطّاع الفرج كثر المصايب والجراح = واللي تورّا فيه تنكر منه ماكمّل سنه!!
سعود العصيمي
القهوجي ماحدٍ يلومه لو تعدابه وراح =مايعرف الكيف وهله لين ان عمه يذهنه.
انكان تبغى لك فرج الصبح ياقوم الصباح=جنب عن اهل الميسره واطلع مع اهل الميمنه.
العازمي
ماحدن يلومك العصيمي لو تطنّب بالصياح = ماحاش صندوق الذهب ياكود من جاب ثمنه!!
يوم المراوس فالمعارك والمساري والصباح = قسم الرجال الاوله للتاليه تقسم منه!!
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|
21-Aug-2009, 12:21 AM
العرض المتطور
