الشبرمي ينعت الفراعنه بالسفيه

[دلموك]

المشاركة الأصلية كتبت بواسطة ظافر العتيبي

العجيب ان امسية حايل فضحت شاعرية الشبرمي وانه اقل من عادي ولكن عش رجب ترى العجب
---------------------------------------------------------------
وأبدع شاعر المليون الشبرمي مجددا في قصيدة خاصة بصاحب السمو الملكي الأمير سلطان

اخ دلموك كلامك فيه تناقظ عجيب كيف تقول انه اقل من عادي وبعدين تجي تمدحه؟؟؟؟؟!!!!!!!
عموماً انا لست مع الشبرمي ولست ضده ولكن استغربت كلامك في البداية تقلل من شاعريته وبعدين تجي وتمدحه!!!!!!!!!!!!!!!!


تقبل تحياتي يادلموك

والله ما مدحته السطرين الاولات كتبت فيهم رايي والباقي نقلته عن منتدى ومازلت اقول انه شاعر اقل من عادي وجبان يضرب من تحت لتحت لكن الفراعنه سفيه ويستاهل

[فاصل]

أخي دلموك
أشكرك على هذا المقال .. ولكن كلي أمل أن يتسع صدرك لقراءة هذه الملاحظات السريعة :

1ـ بداية هذه هي قصيدة الشبرمي التي القاها في مهرجان حائل كاملة وبدون أخطاء
حتى يتسنى لك ولبقية القراء الكرام الحكم على الشبرمي بأنه شاعر مبدع أو عادي أو
(أقل) من عادي كما ذكرت :

فنــــــــــار الجود

قال التميمي دامني موجود = والليله الميدان ميداني
باذن الولي لاجود بالماجود = لعيون اجا واكوسر الحاني
واقف لها وقفة وفيّ عهود = واصخّر القيفان طرباني
وازوّد لهود الحقود لهود = واجمّل ربوعي وصدقاني
والشر غادي والامور سهود = العتمه اقفت والسفر باني
والشك زايل والوفا ممدود = لاهل الوفا والعلم نيشاني
وبيت القصيد وغاية المقصود = شيٍ تشوفونه بالاعياني
من رحمة الرحمن والمعبود = ومن حكمة الله عالي الشاني
الطيب ماله منطقه وحدود = والطيبين بكل الاوطاني
ان جيت جيت لديرة ابن سعود = وان رحت رحت لدار ابن ثاني
وان رحت لامبعد ولامطرود = وان جيت لامجرم ولاجاني
امشي على وضح النقا المجرود = مرفوع راس وبين حياني
شاعر واهاب العيب والمنقود = وازن كلامي قبل قيفاني
ولاامشي بدربٍ خابره مسدود = ولا اتي مدرعم كيف ماكاني
ولا اجاري المصقوع والمقرود = وادرى واداري قدر الامكاني
ماجيت اتايش والرجال شهود = والا اهذي وامذرع لساني
ولاني على ذم العرب محدود = ماني سفيه ولاني ولاني
سيفي بغمده والرسن مشدود = ومتعوذٍ من كل شيطاني
عينت كثر الهرج مابه فود = وامنت بان لساني حصاني
وجنبت عن راع النوايا السود = وكبيت هرج فلان وفلاني
والمختلف صديت عنه صدود = والمنحرف ماهو من اخواني
ولاحدٍ على كثر الحكا محسود = واللي يغض الطرف ربحاني
والخثرقه والغطرسه والزود = تزوّد الرجال نقصاني
والصمت حكمه والسحا محمود = ورمي الركاد يغيظ عدواني
ومادامني حر وعريب جدود = ما انسى سميرا دار جداني
اشد وانزل وابتعد واعود = واشفي واحن لشوف شيباني
ومن بعد ذا ماذعذعن انود = ومانا ورقٍ فوق الاغصاني
وماناض برق وزمجرن رعود = وماهل وابهل نو الامزاني
سوقوا سلامٍ وافي ومفنود = لسلمى واجا وجبال رماني
وحايل واهلها هم فنار الجود = ورمز الوفا من ماض الازماني
وثنّوا سلامي للامير سعود = ريف الضعيف ومدهل العاني
شيخٍ كريم ولاذخر مجهود = لحايل واهلها دوم متفاني
رايه سديد ولايهاب الكود = وحاكم حكيم وقايدٍ باني
وثنّوه للنايب سمي العود = عبدالعزيز وطير حوراني
عوق الضديد وجنة المضهود = وذرب اليمين بسر واعلاني
وختامها يالواحد المعبود = أبطلبك ياعالي الشاني
انك تعز وتنصر بن سعود = وتديم عز ونصر ابن ثاني
والناس في خير ورخا ومهود = وتنعم بامان وأمن وايماني
وماعاد عيد وفاح ريح العود = صلوا على احمد نسل عدناني

2ـ عنونت مقالتك بـ ( الشبرمي ينعت الفراعنة بالسفيه )
ثم قلت في ردك الأخير مانصه : الشبرمي جبان والفراعنة (سفيه) ويستاهل !!
سبحان الله !! يعني أنت كذلك تؤيد الشبرمي وتنعت الفراعنة بالسفيه !!
فهل أنت كذلك تضرب من تحت الحزام ؟!!
وهل أنت الشجاع والشبرمي جبان ؟!! مع أنك قلت ماقاله الشبرمي !!
مع العلم أنك تكتب باسم مستعار !!
لكن يظهر لي أن الأمر كما ذكرت : عش رجباً ترى عجباً ..

[دلموك]

الاخ فاصل
اشكرك وضيقة الصدر مالها طاري حنا هنا نتبادل وجهات النظر وكل على حسب ذائقته ومستوى فهمه
اما ملاحظاتك فنبتدي معها
اولاً- عندما قلت انه شاعر اقل من عادي فانا اطلعت على قصايده ولم اجد فيها شعر وانما هي نوع من النظم وصف الكلام والحشو الركيك وخذ مثال في القصيدة اللي انت تقول بدون اخطا
1-التكرار في المعاني في قوله(بيت القصيد وغاية المقصود) تكرار للمعنى من اجل ان يكمل الشطر فقط اشبه بلقول(كـأننـــا والمــــاء مــــن حــــولـــنا قــــوم جــلـــــــــوس حـــــولهــم مــــــاء)
2-ركاكه في الاسلوب وضعف في المعنى في قوله: (من رحمة الرحمان والمعبود ومن حكمة الله عالي الشاني) فالعطف بين الرحمن والمعبود كأن فيه ثنائية وتعدد وهذا حشو وكان الافضل له التتابع وعدم التفريق وان يدخل في المقصود مباشرة في الشطر الثاني
3-قوله(وان رحت لامبعـد ولامطـرودوان جيت لامجـرم ولاجانـي) يعود التكرار في المعنى بشكل ممجوج لا مبعد ولا مطرود!!!!!! طيب الابعاد هو الطرد لامجرم ولا جاني كمان المجرم هو الجاني لكن حشو وقلة تمكن .
4-تكرار القوافي سعود كررها ثلاث مرات والمعبود مرتين وعالي الشاني مرتين ابن ثاني مرتين وهذا ضعف وخلل مفرط
هذا بعض من كل فالقصيدة بوجه عام مافيها ابداع ولا صور جديده وانما مستهلكه معانيها ومليئة بالحشوا كيفما اتفق واسلوب تقليدي غير متقن.
ثانيا:من ناحية قولي ان الشبرمي جبان والفراعنه سفيه فاقول:
1-الفراعنه اعلن عن من يوجه له الشتيمة وهو مدافعاً عن نفسه ومع ذلك لم يصرح بالاسم وانما تلميح اكثر من التصريح ولكن السفاهة في انه اختار مكان غير مناسب
2-من ناحية ان الشبرمي جبان فقد سمعنا انه هناك رد سيكون من الشبرمي على الفراعنه (الشبرمي يفترض لاناقة له ولا جمل في الدفاع عن السعيد) فالفراعنه لم يسب تميم ويفترض ان الشبرمي يحترم نفسه ويسكت لان صاحب الحق في الرد هو السعيد ولكن جاب هذه القصيدة ولم يجروء على الاعلان عن من وجهة له ولكن المعنى فاضح وواضح وفيها من الهمز واللمز ما يعتبر ضربا من تحت الحزام لشخص لم يخطي عليه والمكان لم يمنعه من ذلك !!!!!!!!
ثالثا:فيما يعنيني فانا وانت ومن في هذا المنتدى نكتب جميعنا تحت اسماء مستعاره ونبدي فيها وجهات نظرنا ويفترض ان يحترم كل منا وجهة نظر الاخر ولاتحرق رزك ويظهر لي ان مشاركتك الوحيدة من اجل ان تكتب هذه الملاحظات تعطي تصور عن ضيق صدرك مما كتبت فلا تحزن اخي فاقناع الناس بما فيه عيب لا يأتي هكذا:d

آخر تعديل دلموك يوم 17-Aug-2009 في 11:16 AM.