علي العضياني و عبدالعزيز العازمي

[علي فلاح العضياني]

السلام عليكم ورحمة الله وبركاته


محاوره جرت بيني وبين الشاعر عبدالعزيز العازمي في أمّ الدووم




علي فلاح العضياني

سلام من شاعر يسلّم بيمناه= والطيّب إتصافح يميني يمينه
لاحت بروق الصيف ثم انتثر ماه=تباشري به يالعيون الحزينه

عبدالعزيز العازمي

يا مرحبا باللي سلامه سمعناه= سلام وجهه عنه تكفي يدينه
ياللي تخيل النوّ من حين منشاه= ترى الجبال السود بينك و بينه

علي العضياني

كلامي اللي جاك تدري بمعناه= واللي يدلّ الدرب ينظر بعينه
اللي يعرف كتاب ربّه و يقراه= ما فيه مانع لو يزور المدينه

عبد العزيز العازمي

أحسن تقول الشكر و الحمدلله=الشك زايل و العلاقه متينه
ما ننشد الرجال كم فرض صلاّه= إليا لقينا سجدته في جبينه

علي العضياني

الطيّب اللي ساعة الضيق نلقاه=يالله يا ربي تطوّل سنينه
اللي حصل له علم ما عاد ينساه= الله على بعض الدعاوي يعينه

عبدالعزيز العازمي

حول السفينه ناس واجد مزكّاه= و العلم عند اللي يقود السفينه
خلّه يروّح روحة مقيط و رشاه=و اللي يجينا يا علي حاسبينه

علي العضياني

يا كثر ما يطري على البال كثراه= لكنّ حاول تلتزم بالسكينه
ابليس في يوم النّحَر جاه ما جاه= و المسلم يطبّق تعاليم دينه

عبدالعزيز العازمي

علي غرس وسط المحاني وداياه=و الصيف كلّه راح و التمر وينه ؟
ابليس بعض أصحابنا من مطاياه=ملعون يلعبّ بالقلوب اللعينه

علي العضياني

الطيب فقلوب النشاما زرعناه = عساه يثمر عند وقته و حينه
بعض الرجال يشيل عقله بمخباه=و الله يبارك فالعقول الرزينه

عبد العزيز العازمي

ترى البخيل ان ما خدم ما خدمناه= سلمته المفتاح حق الخزينه

و سلامتكم

التوقيع

(( رأس الحكمه مخافة الله ))

[سلطان بن دحيم]

الله الله

صحة والله السنتكم

طاروق درجه اولى

ابداع


الله يوفقك يا ابو فلاح


تحياتي

[ابو لمار]

الله الله الله
صح لسانك يابو فلاح


وصح لسان عبدالعزيز


طاروق كايف
ابدعت ابدعت

الله يوفقك يابو فلاح



تقبل مروري

[نوآف الغنامي]

الله الله الله الله



ابداااااع يبو فلااااح


الله يوفقك ان شاء الله



صح لسااانك ولسان عبد العزيز

التوقيع

تدرون ويش اكبر فخر بعد الاسلآم !! = ان النبي (طه) خواله عتيبه خــــيال الصفـــــرا سابقاً

[سحيم العصيمي]

الله الله

مُبدع يابو فلاح عسى الله يوفقك

اصدق التحايا لك

[بندر المرشدي]

ياسلام ياسلام




صحت السنتكم كلكم



والله يوفقك يابو فلاح

التوقيع

يامنتـدى الهيـلا علـى العـيـن والــراس=صــدري وسـيـع ومــن مـعـزتـك مـلـيـان لبـسـت مـعـروفـك مـثــل ثـوبــي لـبــاس=وزرعت لـك فـي داخـل القلـب بستـان الله يبـيـض وجــه مــن ثـبـت الـســاس=وحط الـك مـن فـوق العناويـن عنـوان اســم ومسـمـى خـتــم جـــودة ونـبــراس=يـسـمـع بـــه الاصـقــه ويـــرآه عـمـيــان مـــــا يـنـتـقـيـم بـالـجــواهــر والالـــمـــاس=ولا يـغــمــره بــحـــر الــقــوافــي والاوزان :: ديواني من إعداد الزميل/ عمر الدغيلبي ... بيض الله وجهه

[ابو فايح]

لاحت بروق الصيف ثم انتثر ماه****تباشري به يالعيـون الحزينـه

كبير والكبير وجه الله يابو فلاح

فعلا الساحه تنتظر قدوم شاعر سيكون له صولات وجولات خلالها


صح لسانك وصح لسان عبدالعزيز قاف ولا احلى

التوقيع

عالم تويتر abofayeh@

[عبدالله الاصعر]

صح لسانك يابو فلاح


وصح لسان عبدالعزيزالعازمي


محاوره فالقمه بين شعراء عمالقه


للامام يابوفلاح

التوقيع

ربعي كما الحيد الطويل النايف=ارقاء براسه وانسدح في ضله ليا بنو بنيً على مقلطهم=يبنون بنيً ماحد(ن) يفله الشاعر/عبدالمعين الثعلي رحمه الله al-aser11@hotmail.com

[ابن مشيب]

صح السانك يابوفلاح على هذا الحبك والسبك الشعري الجميل وصح السان الشاعر عبدالعزيز على هذا الفتل والنقض الرائع بينكما



تحياتي

[علي خيران العتيبي]

يسلام

محاوره من نوع نادر في هالوقت
صح السانك و لسان عبدالعزيز
و الله يوفقك

آخر تعديل علي خيران العتيبي يوم 10-Aug-2009 في 10:42 PM.