رفيع المنزل
ياسلامي يالجذع سلطان وابـدى بالتحيـة=من هجوس الشاعر اللي نظرنه مبعد مداها
يوم شفتك عقب ضيقي عودت نفسي هنية=وين ابالقى اللي ليامنه تسلمهـا عطاهـا
سلطان الجذع
ياهلا يامرحبـا فـي مرحبـا والنـار حيـه=من مسيرة يوم كامل يجذب الطرقي سناها !!
عام الاول يوم اعلمك الحـروف الابجديـه=قلت لاتكتب علومٍ وجههـا كنـه قفاهـا !!
رفيع المنزل
البقا واللي يحب الغي معروف ٍ بغيـة=مار ياسلطان من دور على حاجه لقاها
يوم مانت بمستضيق من الليال الاولية=ليه لاهلحين تذكرها وابن وايل نساها
سلطان الجذع
لاتذكرنـي بـدرب الغـي واذكـرك حيّـه=فالديار اللي تخصك وانت محسوبٍ علاها !!
لي معاريف الرجال الوافيـه ماهـي عليـه=لاغريب اليا نسيت الاولة واللي وراهـا !!
رفيع المنزل
دارنا من دونها تاقف حـرار ٍ صيرميـة=وانت غاوي ديرة ٍ من مستواكم مستواها
كل واحد عند نفسه شيخ والدعوى فضية=كان باقـي حبة فالـروس ماجـوده رحاهـا
سلطان الجذع
كم وكم جينا لكم قبل الصباح يشع ضيّـه=بارك الله في ذياب عندكم تلقى عشاها !!
المهم أنك سوات الخرج في جنب المطية=ماتسر بك النفوس ولاتبيّن لك خفاها !!
« آخـــر الـــمـــشـــاركــــات »
04-Aug-2009, 09:03 PM
العرض الشجري