عجايز الشيشة

[أبو الوليد]

يا عجوزٍ تمايل وسط سوق العرب = حسبي الله على اللي بالعصا ما حداك
تحملين الخنا والعيب فوق الركب = والمشاهد خطيرة ما نبي فضح ذاك
الشعر نفش والقصات فيها العجب = والغطا شاش لا رحم الذي ما كساك
والخدود انمحت من كثر صبَّ العلب = والروايح تخلَّط عطرها مع هواك
هزت الارض رجلك يا عُويد الخشب = والمهابيل قُدْمِك والخوالف وراك
اجلسي فوق كرسيِّك يجيك الطلب = واشفطي لا هنيتي من عفين الجراك
قلِّبي عينك اللي جعلها للحطب = واغمزي للهمل واللي يصوِّر بلاك
واضحكي للخبير اللي يبيع الذهب = يعرف قياس كفك ما يخيِّب رجاك
وامزحي مع رفيق ومع وضيع النسب = وان لقيتي هفية وزعة اللي كماك
ارسلي بالوسائط رغبة اللي تحب = ما تخافين ربِّ بالخفايا يراك
واكتبي فالرسالة طز فا كبر شنب = ما بقي للرجالة غير عود السواك
للمرة حق تركب فوق كل الرتب = والأوامر تصَدَّرْ مثل خطبة براك
لك حقوق عليهم والسوالف طرب = وان سهرتي يجهز بالنيابة غداك
حقها يرفع الراية رجال الأدب = والفتاوى تحلل موجبات الهلاك
القيادة على الكورنيش فرضٍ وجَب = والحضور النسائي زحمةٍ واشتباك
والغطاوي تخلّف من قديم الحقب = يا خسارة خدودٍ تحت لفة غطاك
احذري يا البنية من عجوز تسِب = شرع ربي وتطلب من يدور غواك
تتبع الغاوي المعتوه راع النشب = يدعي بالتحرر كم يحقق مناك
الطيور الجوارح بين سلب ونهَب = ترقب اللي تميل وتخطفك من سماك
الزمي دينك اللي في عظيم الكتب = واتركي سكة الشيطان للي سواك

--------------

عبد الملك الخديدي

التوقيع

https://twitter.com/abalwled عَظيمةٌ أنتِ يـا أرضَ الرسَـالاتِ = يا مهبطَ الوحي فِي خَتْـمِ النبـوَّات أنْتِ السُّعُوديَّةُ العَلْيَـاءُ فِـي شَمَـمٍ = تَعْلُو عَلَى كُلِّ مَنْ تَحْـتِ السَّمَـوَاتِ

[ابن مشيب]

صح السانك ودام إبداعك يابوالوليد على هذه القصيدة الإجتماعية , ونسأل الله ان يهدي ويصلح بنات المسلمين.


تحياتي

[أبو الوليد]

المشاركة الأصلية كتبت بواسطة ابن مشيب

صح السانك ودام إبداعك يابوالوليد على هذه القصيدة الإجتماعية , ونسأل الله ان يهدي ويصلح بنات المسلمين.


تحياتي

صح بدنك يا بن مشيب
دائماً نلتقي على الوفاء والمحبة ..
تقبل تحيتي وتقديري

[فيحان العطاوي]

صح لسانك ابوالوليد

[أبو مصلح 511]

صح لسان شاعرها وتسلم يمناك يا بو الوليد


تحياتي

[أبو الوليد]

المشاركة الأصلية كتبت بواسطة فيحان العطاوي

صح لسانك ابوالوليد

يعطيك العافية يا فيحان
تقبل التحية

[أبو الوليد]

المشاركة الأصلية كتبت بواسطة أبو مصلح 511

صح لسان شاعرها وتسلم يمناك يا بو الوليد


تحياتي

يعطيك العافية
تقبل التحية

[محمد العتيبي]

الشاعر الفذ والمبدع / عبدالملك الخديدي

اعتدنا منك الجزاله والقوه والغوص في اعماق بحور الشعر

وصفينا ذائقتنا بما قرأناه لك ..

صح لسانك .. وشكرا شكرا شكرا

التوقيع

للتواصل عبر twitter تويتر al_bargawy@

[خوي السعد]

المشرف العام ابو الوليد
كثر الله من امثالك
جزاله ومضمون عساك تسلم

[مرزوق حمدان العتيبي]

..
.

دره ثمينه يابو الوليد
عليها نقول مليون صح لسانكــ
..
نعم هذا هو حال نساء اليوم ...

الا من رحم الله ....

ومانشاهده هو نتاج مايسعى اليه العلمانيين
وما خططوا له .. عليهم من الله مايستحقون ..


...

تستحق التثبيت وبقوّه .....

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD