يالعطاوي لايهمك مدفع الدبابه...وانت ضابط في سلاح القوه الجويه|| عبدالمجيد!!

[عبدالمجيد العطاوي]

المشاركة الأصلية كتبت بواسطة سعود العصيمي

حاكم الغناامي =

الكلام اللي نقوله في محل عتابـه=مرحبا ترحيبـةٍ نبدابهـا عفويـه
يالعطاوي لايهمك مدفـع الدبابـه=وانت ضابط في سلاح القوه الجويه

عبدالمجيد العطااوي =

الكلام اللّي تقولـه عندكـم نبدابـه=البقا بك وانت راع الدلّـة البرّيـة
والله انّي يالعطاوي ماحسبت احسابه=قصفةٍ من جوّ تنهى الكورة الأرضيّة

حاكم الغناامي =

القرود اللي تصاوى في ظلام الغابه=كل ماينصاد قردٍ جـاك قـردٍ زيـه
يشهد الله ماتنازل لو قريت كتابـه=ابك انا اللي في حياتي للسمو ماريه

عبدالمجيد العطااوي =

القرود اليوم مـا تحسبهـم الحسّابـة=وان صوى لك واحدٍ منهم يجيك اوخيّه
مايكنّه صدرك انته يابو عيد ادرا بـه=وقتك الأتلى مصفيٍ ريشـة الحنديّـة

حاكم الغناامي =

اصبر وبركاننا يرمي صهار اللابه=ويل منهو في نحاها خيمته مبنيه
كل سيفٍ ماتجمل سلته ونصابـه=تاركه للرجلي اللي طرقته رجليـه

عبدالمجيد العطااوي =

وجّهه ياصاحبي يمّ السهل وشعابه=خلّ بركانه يدكّ البنيّـة التحتيّـة
واحدٍ تال الزمن ينزي معه مشعابه=مادرا انّه شايلٍ حتفه حسين النيّة

حاكم الغناامي =

المنقب لو يزيـن صورتـه بنقابـه=البـلاوي ماتفـك العالـم المبليـه
الله اكبر ياضعـوفٍ مننـا مرتابـه=كيف سويتوا سوات الجادل المسبيه؟

يالعطاوي لايهمك مدفـع الدبابـه
وانت ضابط في سلاح القوه الجويه

يالعطاوي لايهمك مدفـع الدبابـه
وانت ضابط في سلاح القوه الجويه


ابوعيد صح لسااانك مدد بلا عدد مبدع مبدع


ويستاهل عبدالمجيد ضابط. فعلا
بس وين نلقا لك لقب يليقك بشخصك الكريم

علي شاعر المنتدى
وسلطان الاسطوورة

وانت نبي لك لقب اكبر شوووي يابو عيد
لكن نحث وانشالله نجده عن قريب.

هههههه


والله انّي يالعطاوي ماحسبت احسابه
قصفةٍ من جوّ تنهى الكورة الأرضيّة


عبدالمجيد العطااوي

صح لسااانك مددبلا عدد مبدع وراائع

بيّض الله وجهك على التنسيق يابو طايل ولاهنت