عاداتنا مانجلب العيب والعار

[الصل]

يا ناشد عنا ترى حناالاحرار = حنا على طيب الفعايل ندومي
حنا كما نجم تعلا بالانظار = وصرنا على نجد المسمى نجومي
عتبان حاربناعلى كل الاخطار = ولاهابنا في الموت ضرب السهومي
عاداتنا للطيب والمجد حظار = حنا هل العادات واهل اللزومي
عاداتنا مانجلب العيب والعار = ولانشتري مشرآ شروه الرخومي
عاداتنا من لبسنا لبس الاخيار = لبس الشرف ماهو بلبس الهدومي
دايم مجالسنا على شبه النار = ودايم على الشبه عيال قرومي
تسوق فنجال حوى بن وبهار = فنجال يقعد كل راس مخرومي
بين القبايل ذكرنا مابه انكار = بفعال طيب مالحقها وهومي
حنا على الدين القوي دمنا حار = عن حد ربي بالفرايض نقومي
والجار له حق علينا ولو جار = ولو كان جاهل مايعرف العلومي
وصى بحق الجار مرسول الاخيار = خير البشر ختم الرسل ومختومي
اختامها صلو على الماحي البار = اعداد ما هلت من الماء غيومي

الشاعر القدير الغيث


صح لسانك ملايين شاعر مبدع وقصيده رائعه


لكن اخي لدي استفسار حول هذا البيت الذي ختمت به القصيده

اريد الاستفاده من معلوماتك يالغالي حول كلمة الماحي البار

في هذا البيت

اختامها صلو على الماحي البار = اعداد ما هلت من الماء غيومي

عزيزي ماهو قصدك من الماحي البار هل قصدت الرسول صلى الله عليه وسلم

واذا كان هذا قصدك هل هذا لقب له ام صفه ارجو توضيح ذلك لي لاني لم اسمع هذه الكلمه الا الان واريد الاستفاده منك طال عمرك

تقبل تحياتي


اخوك الصل