يالله مقسوم خير

[معجب العتيبي]

خليفة الشيخ

سلام الله على الهيلا عتيبه في مرابعها=سلام يدوم وعتيبه رفيعة شان فالعربان
وصلناكم ندور شاري السلعه وبايعها=نقول السوق غالي وابخص الميدان يا حميدان

باروود

هلا يامرحبا ترحيبة من قلب منبعها = نيابه عن رجال تجزي الاحسان بالاحسان
ترى اللي يجهل الديره ينشّدعن شوارعها = ومن طيب البضاعه سوقها غلابه الاثمان

خليفة الشيخ

يدوم الك البقا كلمه وكل الناس تسمعها=على وضح النقا ننطق بهرج(ن) كلبوه سمان
زهمنا بارع الدار وتسميت أنت بارعها=عساك البارع حميدان لا طبيت فالميدان

باروود

خطاك السو لاضاقت ترى ربك يوسعها = عسى منتب تدورها مابين ارماح والصمان
الايامكثر انفوس تدهور من تسرعها = ولايصلح نوايا الخلق غير الله عظيم الشان

خليفة الشيخ

تحيزم وانتبه يا صاح للبندق ولاصبعها=ترى الكلمه لها محسوب طول وعرض بالاوزان
ليا عرض لنا راع القشر لابد نرفعها=مشاريه الرجال كبار لا صيدت على الشيخان

باروود

يقولون الرجال الطّيبه مخلوف صانعها = تجارب والتجارب قالوا اهل المعرفه برهان
عيون اللي سكن بالعيص شقيت في مضاجعها = ولابه عاقل يرقد ويامن ثورة البركان

خليفة الشيخ

ترى نفسك تضويك المهونه كان تابعها=تقودك للمهالك والصحيب مناصحك شفقان
نبا وسمك وكب الناس عارفها وضايعها=تدور السالفه والزبد مامن زبد يا سرحان

باروود

اعرف ان ام عامر قد كلت رجال مرضعها = لكني بستعيذ ابخالقي وبلعن الشيطان
تنشدني عن اعلوم تورالك منافعها = وتسير لك بواخر بس لاحمل ولاربان

خليفة الشيخ

تخبي من بدايتك العلوم وبان مفرعها=عسى ربي يكافيني من ام فلان وام فلان
نشدتك عن وسومك فالعرب من وين مجمعها=ولكنك جهلت العلم مدري صابك الرهبان

باروود

تأمل هرجة من راس رجال مصتنعها = الاكثر ما شيف الردى من طيب الجدان
ولكن ياخليفه غسل الددسن ولمعها = وبالخط العريض اكتب عليها ددسن اخليفان

الله عليكم يامبدعين

صحة السنتكم