((احفظ لسانك يا عوين الهمومي ))

[سلطان بن دحيم]

اليكم هذه القصيده لعلها تنال اعجابكم

يا لايمي دامك ما تدري عن الحال = وش لون بالله يا صحيبي تلومي
لا صرت ما تدري عن اللي على البال = احفظ لسانك يا عوين الهمومي
ترا المغربل زاده الوقت غربال = يطيح لا وشك على انه يقومي
عاش بزمان(ن) فيه تحطيم الامال = وقت(ن) وقف ضد الرجال القرومي
وقت(ن) به الطيب يقولون بطال = وهاذا زمان مضيعين السلومي
لكن انا طالبك يا رب يا وال = يا واحد (ن) لجلك صلاتي وصومي
انك توفقني لزينات الاعمال = واغفر ذنوبي يالغفور الرحومي
وفرج هموم(ن) داخل الصدر تجتال = دايم بوسط الصدر ليلي ويومي
بصدر(ن) به الضيقه من الجال للجال = مغير في بحر الهواجيس اعومي
واسباب ذا كله بلا شك وجدال = من كثر ما عيني تخيل الغيومي
اليا تعدا خيال طالعة بخيال = اخايله لوكان منه محرومي
ويمطر على غيري من الوبل همال = ويسقيه وانا في لهيب السمومي
وانا المبدابه على كل الاحوال = لكنه اصبح حلم ضمن الحلومي
وترا القمر يرجع بعد مده هلال = ومن السماء تبى تغيب النجومي
والحر يبقى ماكره راس ما طال = والبوم يرجع بوم من ساس بومي
وانا احمد الله طيب العم والخال = وفي ساعة الشده قويه عزومي
مثل الجمل للحمل لو زياد شيال = ولا اشكي على من لا يسد اللزومي
واصبر على ميلات وقتي ليا مال = حيث الشدايد فالزمن ما تدومي
اصبر وربي للصعيبات حلال = مشكاي لا عضيت راس البهومي
مشكاي من نزل تبارك والانفال = رب(ن) عليم بخافيات العلومي
وصلاة ربي عد ما وادي(ن) سال = على النبي وعداد زرق السهومي

آخر تعديل سلطان بن دحيم يوم 09-May-2009 في 07:16 AM.

[عبد الله الدغيلبي]

يا سلام يا سلطان

صح لسانك واعتلا شانك يالغالي

[سلطان بن دحيم]

عبدالله الدغيلبي

صح بدنك

لاهنت على المرور

[أبونواف]

واسباب ذا كلـه بـلا شـك وجـدال=من كثر ما عينـي تخيـل الغيومـي
اليـا تعـدا خيـال طالعـة بخـيـال=اخايلـه لوكـان مـنـه محـرومـي


صح لسانك وبيض الله وجهك

[فيصل المسعودي]

سلطان شعرك أصيل وجزل

صح لسانك

ومازلت انتظر جديدك

تحياتي

[عبدالله الجـــذع]

ابو دحيم

صح فكرك ولسانك

مبدع وربك الله


ننتظر جديدك يالغالي

محبك

.,

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[سلطان بن دحيم]

المشاركة الأصلية كتبت بواسطة أبونواف

واسباب ذا كلـه بـلا شـك وجـدال=من كثر ما عينـي تخيـل الغيومـي
اليـا تعـدا خيـال طالعـة بخـيـال=اخايلـه لوكـان مـنـه محـرومـي


صح لسانك وبيض الله وجهك

صح بدنك


ولاهنت على المرور

[سلطان بن دحيم]

المشاركة الأصلية كتبت بواسطة فيصل المسعودي

سلطان شعرك أصيل وجزل

صح لسانك

ومازلت انتظر جديدك

تحياتي

الجزل مرورك لاهنت


تحياتي

[أبو مرحبا]

سلطان بن دحيم


صح السانك واعتلى شانك

لاهنت على القصيده الرائعه


احترامي

التوقيع

إن قلَّـت الوزنـه وربعـي مشافيـح ** أخلـي الوزنـه لربعـي واشـومـي

[سلطان بن دحيم]

المشاركة الأصلية كتبت بواسطة عبدالله الجـــذع

ابو دحيم

صح فكرك ولسانك

مبدع وربك الله


ننتظر جديدك يالغالي

محبك

.,

صح بدنك


لاهنت على المرور