اليكم هذه القصيده لعلها تنال اعجابكم

يا لايمي دامك ما تدري عن الحال = وش لون بالله يا صحيبي تلومي
لا صرت ما تدري عن اللي على البال = احفظ لسانك يا عوين الهمومي
ترا المغربل زاده الوقت غربال = يطيح لا وشك على انه يقومي
عاش بزمان(ن) فيه تحطيم الامال = وقت(ن) وقف ضد الرجال القرومي
وقت(ن) به الطيب يقولون بطال = وهاذا زمان مضيعين السلومي
لكن انا طالبك يا رب يا وال = يا واحد (ن) لجلك صلاتي وصومي
انك توفقني لزينات الاعمال = واغفر ذنوبي يالغفور الرحومي
وفرج هموم(ن) داخل الصدر تجتال = دايم بوسط الصدر ليلي ويومي
بصدر(ن) به الضيقه من الجال للجال = مغير في بحر الهواجيس اعومي
واسباب ذا كله بلا شك وجدال = من كثر ما عيني تخيل الغيومي
اليا تعدا خيال طالعة بخيال = اخايله لوكان منه محرومي
ويمطر على غيري من الوبل همال = ويسقيه وانا في لهيب السمومي
وانا المبدابه على كل الاحوال = لكنه اصبح حلم ضمن الحلومي
وترا القمر يرجع بعد مده هلال = ومن السماء تبى تغيب النجومي
والحر يبقى ماكره راس ما طال = والبوم يرجع بوم من ساس بومي
وانا احمد الله طيب العم والخال = وفي ساعة الشده قويه عزومي
مثل الجمل للحمل لو زياد شيال = ولا اشكي على من لا يسد اللزومي
واصبر على ميلات وقتي ليا مال = حيث الشدايد فالزمن ما تدومي
اصبر وربي للصعيبات حلال = مشكاي لا عضيت راس البهومي
مشكاي من نزل تبارك والانفال = رب(ن) عليم بخافيات العلومي
وصلاة ربي عد ما وادي(ن) سال = على النبي وعداد زرق السهومي

واسباب ذا كلـه بـلا شـك وجـدال=من كثر ما عينـي تخيـل الغيومـي
اليـا تعـدا خيـال طالعـة بخـيـال=اخايلـه لوكـان مـنـه محـرومـي


صح لسانك وبيض الله وجهك

المشاركة الأصلية كتبت بواسطة أبونواف (المشاركة 851528) واسباب ذا كلـه بـلا شـك وجـدال=من كثر ما عينـي تخيـل الغيومـي اليـا تعـدا خيـال طالعـة بخـيـال=اخايلـه لوكـان مـنـه محـرومـي صح لسانك وبيض الله وجهك

صح بدنك


ولاهنت على المرور

المشاركة الأصلية كتبت بواسطة فيصل المسعودي (المشاركة 851757) سلطان شعرك أصيل وجزل صح لسانك ومازلت انتظر جديدك تحياتي

الجزل مرورك لاهنت


تحياتي

المشاركة الأصلية كتبت بواسطة عبدالله الجـــذع (المشاركة 851844) ابو دحيم صح فكرك ولسانك مبدع وربك الله ننتظر جديدك يالغالي محبك .,

صح بدنك


لاهنت على المرور