سلطان شاعر وانا اعرف اللي يبيّح سدوده (( سلطان الجذع ))

[معجب العتيبي]

ابو لمار

سلام من هاجس العرف 0 0 كلام واثبت وجوده = طربان والبال طربان 00 وادوّر اللي معه عرف !!
سلطان شاعر وانا اعرف 00 اللي يبيّح سدوده = لو كان له قلب ولسان 00 يمديه يعرف وانا اعرف

سلطان الجـذع

من هاجس مهندس الحرف ,, اللي فعوله شهوده = حيا الله فلان وفلان ,, من هاجس مهندس الحرف
الجم لو تغرفه غرف ,, ماانته من أطيب وروده = ولاهو مصدرك ظميان ,, جمٍ رها واغرفه غرف

ابو لمار

يامهندس الحكي والصرف 00 الدار نعرف اسوده = اتعيش وتموت جيعان 00 ياماكثر الحي والصرف
سلطان من بنك يصرف 00 على الرديه نقوده = ماهكذا كان سلطان 00 يشري الرديه ويصرف

سلطان الجـذع

لولايه اغض بالطرف ,, ترفعاً عن ردوده = والله لااسريه زعلان ,, لولايه اغض بالطرف
ياذارف الدمعه .. الذرف ,, حبل التجزع يقوده = لكن لايمك غلطان ,, ياذراف الدمع فالذرف

ابو لمار

العام للدمع يذرف 00 والدمع جرّح خدوده = واليوم سلطان فسقان 00 ماعاد للدمع يذرف
ان كان هبك هوا الطرف 00 بعد الحراره بروده = علام سلطان حرّان 00 يمكن تعرض هوا الطرف

سلطان الجـذع

ياليت اذانيكم الشرف ,, تسمع موفّي عهوده = ترى اكثر الهرج نقصان ,, ياليت اذنيكم الشرف
ياللي رسايلك فالظرف ,, بعض الحكي لاتعوده = للنقد كفه وميزان ,, ياللي رسايلك فالظرف