سعود العصيمي =
ياقادح وراك اتحط نقطة وتفتيش = وتنقص من حقوق المجاهد علامه.
وانا اتعب على شأنك لاجل لقمة العيش = وياصلك قسمك من بنوك اليمامه.
قادح شرااار=
أنا ما نقصت حقوق راشد !! ودرويش=ويا ليت أبو طايـل يوضّـح كلامـه
وأنا بنشدك بالله تتعب علـى ويـش=ترا المجد أنا واصل ف(ذِروة سنامـه)
سعود العصيمي =
نبي نصلح امورك مع الناس يابيش=وتنفخ على راع القلم و العمامـه.
وهذه مصيبة ياكبيـر الدراويـش=ولاتعترض في حلق راع الجهامـه
قادح شرااار=
أنا صابني فالعلم يا سعود تشويش=علومك كثير !! ولا يجيني ملامـه
ويوم إن أنا علمّت بالحرب والجيش=من لسانك أنته ما حصل لي سلامه
سعود العصيمي =
احب الاصايل مالتفت فالكواديش = ومثلك ياقادح ماينقص مقامه.
تموت الحنادي ماشبهت لاشقر الريش = ولكن غني بالطرب ياحمامه.
العرض الشجري