مرثية

[مرزوق الجعيد]

المشاركة الأصلية كتبت بواسطة ولد المزاحمة

اتمنى من الاخوان انتقاد الابيات وهي مجرد محاولة وانا اتقبل الانتقاد بصدر رحب لأتمكن من تطوير القدرات الشعرية في المستقبل.
وهي مرثية في احد الاقارب

ياشين علم لفانا قبل الاثنين #### علم خلع قلبي وزود همومي
جانا خبر كسر قلوب المودين ### الله يلوم اللي خفوقي يلومي
غديت انا مثل الصغار اليتيمين #### واصيح انا بالصوت مادري علامي
مرحوم ياللي ساكن بواسط العين### مرحوم يارجل كريم السلومي
والله مانسالك لين العقل لين#### ينسى العقل فرضه وينسى الصيامي
ومانسى فعولك ياطليق الحجاجين### وتجمع مع فعلك جميل الكلامي
يالله يامنزل تبارك وياسين #### يامنشي(ن) سحب كثير الغمامي
ويالله ياخالق جميع الملايين #### يامروي(ن) حدب الضلوع الهيامي
ترحم ضعيف عليه اللبن والطين### وتغفر ذنوبه ياعزيز المقامي
ويالله جعله في رياض البساتين ### في وسط قبر سقاه الغمامي

صح السانك
ودامك تطلب الراي في القصيده
القصيده جيده في البناء وتتابع الابيات
ولكن الوزن رايح فيها
وقفلة القصيده مثال (يلومي)قارنها في النطق مع (علامي)

ينقصك بعض الاطلاع فقط وتلحين قصيدتك ومتابعة تطابق الاشطر مع نفس اللحن الذي تعنيه

وموفق خير وفالك الجنه