يالشطيطي لاسلام ولاشبه ترحيبه.. غير نارٍ في جبينك قدحها بزنادي

[معجب العتيبي]

النجــــم / ناصر الجلاه

يالشطيطي لاسلام ولاشبه ترحيبـه=غير نارٍ في جبينك قدحها بزنـادي
تدرق في الحصاني لين جتك مصيبه=والله أعلم يمكن إنك خلفهم تنقادي

زياد الشطيطي

ما انت بعتيبي ولاهي سلم عند عتيبه=يتركون الضيف لا دلـه ولا بـرادي
جيت فازع مار مجناك التعب والخيبه=ملحق القوم بعباته في هوا الحسـادي

النجــــم / ناصر الجلاه

الكرامه للرجال أهل الوفا والهيبه=والمياسم من نصيب اللي يحدر الوادي
كنت اقول إن الشطيطي كل علم يجيبه=واثرك اللي لاشراب ولاوركم زادي

زياد الشطيطي

ماشرهنا الا على اللي ينعرف من طيبه = وانت مهما قلت قلنا يالعصيمي عادي
طاح له في مشكله واثر السبب فصحيبه = ما انت لاقيلك طماعه مع بني عبادي

النجــــم / ناصر الجلاه

والله إنك بعد هاذي تمرةٍ فالعيبه=لوتصيحً في مطير أهل الوفا وتنادي
روحت من دون شك ولاعليها ريبه=المراصد فالفضاء وانته تحت مرصادي

زياد الشطيطي

انت مثل الغصن يومٍ الهوا يوميبه = مايبالك لاسلاح ولاتبون جهادي
الردار اللي ركزته مانفع تعقيبه = غادي ومن جابه وحطاه غادي

النجــــم / ناصر الجلاه

الفراش أليا بغينا فالزمن تعذيبه=نشعل النار وسناها يجذبه سردادي
الرجل يوزن كلامه قبل لاياتيبه=ياجودي مالك محل ألا مع الاجوادي