من قصايد الحكيم

[سلطان نايف العضياني]

هذه قصيده غزليه لشاعر /رشيد الزلامي
أرجو أن تنال رضاكم......

أقفت نجوم الوسم ياللي تحسبون=والصيف قرّب في حساب الخلاوي
الله من نو نشا العصر بمزون=جعله على ركبه يجيله مهاوي
مدري متى البدو الشواوي يعودون=الله لايثري ثراهم شواوي
طاح الربيع اللي جبرهم يحيلون=وتبعدوا وانا عليهم شفاوي
لو إنهم عن فعلهم فيّ يدرون=تغانموني بالدوى والمداوي
وقتن مضى لو كانوا البدو ينوون= ماينقطع حبل الرجا لرجاوي
تجي لنيتهم عراقيل وشطون=وتخلف نوي اللي من الصبح ناوي
العصر يبنا رايهم مار يمسون=مضمين والا الزمل ماهوب ضاوي
واليوم في شداتهم مايريضون=كنه مصبحهم بخيت العطاوي
إليا نووا عن دبهم مايحيدون=سبت حديد فاض وامرن سماوي
لو الربيع بعيد مايستهمون=تنقلهم الدنّه ووارد عراوي
لارحمبو ذاك الظهر والدرقسون=ماعاد خلت للجماعه شلاوي

رشيد الزلامي

[خالد نوار العتيبي]

سلطان

سلمت يداكـ علي القصيده

وصح لسان شاعرها

تحياتي لكـ توصلكـ حيث أنت

[سلطان نايف العضياني]

مشكور ياخالد نوار

[ابن صنهوت]

صح السان ابوجميل وبيض الله وجهك ياسلطان

[بن^هضيبان]

مشكور على القصيده الرائعه


لاهنت

[سلطان نايف العضياني]

شكرآ للجميع