أسير الدرب
سلامي على العتبان والبال مسرور= بعد جيت للعتبان في منتداها
ونادوا لمعجب ياعتيبه على الفور= نجوم السماء متبينه في سماها
معجب العتيبي
هلا مرحبا عداد ما شعشع النور=عن عتيبه اللي عاليٍ مستواها
و الا يالمنادي ساع ما وصلك الدور=الايّام مدري كيف نكسب رضاها
أسير الدرب
يدوم البقا ياللي ترحب ومشكور= يا زين البيوت اللي رفيع بناها
ياطيبك لكنك تجمع العمي والعور= وهذي مصيبه مالقيتوا دواها
معجب العتيبي
على العز نبني دور من فوقه الدور=وناسٍ تموت ولا تحقق مناها
على خوة العميان ماني بمجبور=ياضيف السعد واللي بغاها لقاها
أسير الدرب
بنيت البنايه مار مادونها سور= وعنيت نفسك واذهبتك بعناها
ماذمك يامعجب وانت مقدور مقدور= لياجبت نص الكف تاخذ ملاها
معجب العتيبي
انا لو جلست ايام وسنين وشهور=عجزت اعرف اللي باع واللي شراها
يااسير الدروب العلم يحتاج دكتور=لعله يحدد للسقيمه دواها
أسير الدرب
كلامك حقيقه مالقينا به الزور = لقينا العرب داها بداخل رداها
ترى العبد يارجال منهي ومامور= عسى اللي كتبها يالعتيبي قراها
معجب العتيبي
طلاسم وفيها من لغات اهل تيمور=وتيمور اضن السيل مبطي وطاها
مثالٍ يقولونه بعد صار مشهور=لكنّ الحقايق غير للي بداها
أسير الدرب
تقوله يامعجب مار ماانته بمعذور= من اللي يحجب الشمس والا سناها
و دور من عتيبه رجال لهم شور = اخبر العرب تسمع كلام اخواياها
معجب العتيبي
ترا منته حبيب ولا انته بمستور=ياراع العيون اللي تدور عماها
بني عمي اخذ رايهم وانت مقهور=ولي كلمتي لاقلتها واحماها
14-Nov-2008, 05:44 PM
العرض الشجري