ناصر الجلاه
هناك ربي بالسلامه يابن عايض وش بلاك=طهور جعله مايجيك الباس .. رف رف ياعلم !!
الكسر في رجليك ياسلطان وألا في يداك=ماظن فيكم غير هذا الراس .. رف رف ياعلم !!
سلطان عايض العايضي
انا بخير ولا علي اخلاف وانتة وش وراك=ياكثر هرج الناس يابن الناس رف رف ياعلم
الكسر في بعض الهروج العوج ياربي هداك=وانارفيع الرأس لاتحتاس رف رف ياعلم
ناصر الجلاه
الله يرزقكم بطول العافيه عذري وجاك=ياللي عليك من الشكوك احساس .. رف رف ياعلم !!
صدقت !! ليتك يابيض الشارب تطبقها علاك=ماودي تسوي مثل عباس .. رف رف ياعلم !!
سلطان عايض العايضي
وانتة على راس الجبل ترقى عسى ربي معاك=ومن لايحس اكيد شارب كاس رف رف ياعلم
ياناصر أنته لايصيبك بأول القاف ارتباك=نشدتني جاوبت بالمقياس رف رف ياعلم
ناصر الجلاه
فعلت مير الفعل يارجال نزل مستواك=واللي مذيعه فالاذاعه واس .. رف رف ياعلم !!
ياصاحبي خلك بطل واحذر وراسك والشراك=لاياخذك يالعايضي هوجاس .. رف رف ياعلم !!
سلطان عايض العايضي
افعولنا تعجب رجال العز والمعنى نصاك=منهو حماها والشفاة ايباس رف رف ياعلم
خل السوالف يالعتيبي والعلم عطة اخوياك=اخذ النصيحة ياعريب الساس رف رف ياعلم
ناصر الجلاه
صحيح لكن ماك يارجال حول من سماك=ياليت فعلك فأول المرواس .. رف رف ياعلم !!
تستاهله يابوشنب من يمنا جعله فداك=ماهو طماعه والرجال اجناس .. رف رف ياعلم !!
سلطان عايض العايضي
دامك عرفت الحق يارجال لاترفع عصاك=ياطيب حمس البن فالمحماس رف رف ياعلم
تبى الحقيقة روحت والليل سمعنى نداك=وانا ترى لارض الحياء عساس رف رف ياعلم
« آخـــر الـــمـــشـــاركــــات »
07-Nov-2008, 10:29 PM
العرض الشجري