سلام ياشعار بعد العيد ومن العايدين

[قادح شرار]

نايف ملحق :

سلام ياشعار بعـد العيـد ومـن العايديـن = والمنتدى نور وزاد النور والساري سـرى
اطلق شنب ياخذ معي طاروق والقاسي يلين = من يعتذر ماقلتلة معذور والساري سـرى

قادح شرار :

يا مرحبابك بعد عيد الفطر .. ومن الفايزيـن = والمنتدى صاير عليه قصور والساري سـرى
أطلق شنب جالك وشوفه يدحم بجنب ٍ متيـن = من شوفتك يا صاحبي مسرور والساري سرى

نايف ملحق :

ماصار غير الخير يا قادح شرار الله يعين = الوقت يمشي والزمان يدور والساري سرى
ماقول فيك قصور يارجـال حنـا خابريـن = والبحر موجه يغرق البابور والساري سرى

قادح شرار :

لا بد تسلم يا ولد ملحق.. سواة المسلمين = وادي عتيبه بعدكم مدهور والساري سـرى
الكل يشهدلي على إني ملتزم تقوى وديـن = باين عليك إنك رجل مغرور والساري سرى

نايف ملحق :

الحمـدلله سالميـن وطيبيـن وغانمـيـن = حنا بعثنا الميت المقبور والسـاري سـرى
قدام يارجال لايلعـب بـك ابليـس اللعيـن = ترى العرب مايقبلون الزور والساري سرى

قادح شرار :

لو إن مرزوق العتيبي كان رجـال ٍ فطيـن = ما يصبح القانون جسر عبور والساري سرى
هذا كلامي واضح ٍ ما يحتمل شـك ويقيـن = لا تعتبر ما قلت جرح شعور والساري سرى

نايف ملحق :

مرزوق راع الطيبه في كل وقت وكـل حيـن = وانته تراك اعوج من الباكور والساري سرى
حنـا رجال(ن)ماتغيرنـا الليالـي والسنـيـن = احسب حسابك والورود صدور والساري سرى

قادح شرار :

مرزوق راع الطيبـة .. وأنتـم هنيـا ميتيـن = ليت النهد يا صاحبي مصرور والساري سـرى
يا طيب وقفات العرب ... وين الرجال الأولين ؟ = السالفة يبغالهـا دكتـور والسـاري سـرى

أشكر جميع الأخوان اللي شرفونا .