سلام ياشعار بعد العيد ومن العايدين=والمنتدى نور وزاد النور والساري سرى
اطلق شنب ياخذ معي طاروق والقاسي يلين=من يعتذر ماقلتلة معذور والساري سرى

يا مرحبابك بعد عيد الفطر .. ومن الفايزين = والمنتدى صاير عليه قصور والساري سرى
أطلق شنب جالك وشوفه يدحم بجنب ٍ متين = من شوفتك يا صاحبي مسرور والساري سرى

ماصار غير الخير يا قادح شرار الله يعين=الوقت يمشي والزمان يدور والساري سرى
ماقول فيك قصور يارجال حنا خابرين=والبحر موجه يغرق البابور والساري سرى

لا بد تسلم يا ولد ملحق.. سواة المسلمين = وادي عتيبه بعدكم مدهور والساري سرى
الكل يشهدلي على إني ملتزم تقوى ودين = باين عليك إنك رجل مغرور والساري سرى

المشاركة الأصلية كتبت بواسطة ذيب المساري (المشاركة 747929) نايف الثعلي قادح شرار الله الله صحت ألسنتكم ولاهنتووووووووووا واصلوا وحنا متابعينكم

الحمدلله سالمين وطيبين وغانمين=حنا بعثنا الميت المقبور والساري سرى
قدام يارجال لايلعب بك ابليس اللعين=ترى العرب مايقبلون الزور والساري سرى

لو إن مرزوق العتيبي كان رجال ٍ فطين = ما يصبح القانون جسر عبور والساري سرى
هذا كلامي واضح ٍ ما يحتمل شك ويقين = لا تعتبر ما قلت جرح شعور والساري سرى

مرزوق راع الطيبه في كل وقت وكل حين=وانته تراك اعوج من الباكور والساري سرى
حنا رجال(ن)ماتغيرنا الليالي والسنين=احسب حسابك والورود صدور والساري سرى