عايض ابن زيد العجراف ـ الله من قلبٍ ليا جيت اداريه

[عزيز المغيري]

السلام عليكم و رحمة الله و أسعد الله اوقاتكم

قصيدة للشاعر عايض ابن زيد العجراف رحمه الله . اعتقد انها كامله يقول فيها رحمه الله :

الله من قلبٍ ليا جيت اداريه=القاه من بين الضماير يزوعي
زوعت خفيف الريش من كف راعيه=ليا شاف له صيدٍ مقافٍ رتوعي
على عشيرٍ كل ما حل طاريه=افز له و اجلس على راس كوعي
أفز فزت غافلٍ جاه غاليه=يفز له لو الخلايق هجوعي
وا صاحبي ماله حليٍ يحاليه=ألا سهيل ليا شمخ بالطلوعي
ليا مشى كن الحمامه تخطيه=ضامر حشا ملهوف من غير جوعي
العين عين اللي على كف داعيه=عين اشقرٍ منه الحباري خشوعي
ليا التوى بالجول حل القضا فيه=قدمه هباش الصيد مثل الرثوعي
و الله لو هو من ورى مصر لأرجيه=رجوى الديار المسنيه للرجوعي
وا صاحبي ليته قريبٍ و اناديه=اظن قلبي يمّهم ما يتوعي
قلبي كما غربٍ تجزّل عراويه=على ثلاثٍ يضربن الرجوعي
إن صدرن به و انكفى كل مافيه=من تلّهن للغرب غادٍ مزوعي
سوّاقهن في تالي الليل يسريه=و في ما تقافن نوّهن بالرجوعي
ما تسمع ألا يوم لجّت غناويه=الليل ظلما و الغلام مخفوعي

[عبدالرحمن الهيلوم]

الله

الله
صح السانه
والسانك يالغالي

[عزيز المغيري]

الله يرحمه و صح بدنك اخوي عبدالرحمن

[فدا لعتيبه]

الله ير حمه ويرحم اموات المسلمين


مشكور على النقل




عزيز





دمـــــــــــــــت بخيــــــــــــــــــــــــر

[عزيز المغيري]

الله يجزاك خير يا فدا لعتيبه


و اشكرك على مرورك

[محمد العتيبي]

صح لسان الشاعر ..

والله لا يهينك يالغالي على القصيده الرائعه ..

تحيتي
,,,

التوقيع

للتواصل عبر twitter تويتر al_bargawy@

[سعد محمد الهيلوم]

الله يرحم الشاعر

و

سلمت


يداك

على

النقل

[عزيز المغيري]

اخوي محمد العتيبي لاهنت

و اشكرك على مرورك

و تحياتي

[عزيز المغيري]

الله يجزاك خير يا بو محمد

و تحياتي و تقديري

[ابورشا]

الله يرحم الشاعر عايض العجراف رحمه واسعه وأسكنه من فسيح جناته


عزيز المغيري شكرا لك على هذا الموضوع الرائع ننتظر جديدك