سلام ياعتيبه

[زبن الجعفري العنزي]

سلام يالهيلا عتيبه والمواقف للرجال= وانتم رجال ٍ بالمواقف عارفين شعارها
حنا دخلنا السوق نبغى الصرف بجنيه وريال=والسوق للتجار والتجره لها تجارها

[الحشيشي]

حياك الله


يامرحبا رحب الرجال اللي مواقفها ثقال=الله لايخلي الرجال اهل الوفا وديارها




ابتاع واشتر والمكاسب بالحرام وبالحلال=وحده من الثنتين وانته بالعقل تختارها

[زبن الجعفري العنزي]

دام البقا ياصاحبي والحمل يبغى له جمال= كل القبايل من فعايلها تولع نارها
ابتاع واشري واحمد المولى بجيبي راس مال= واشوم عن بعض البضايع لعرفت اسعارها

[الحشيشي]

عطنا علومك من جنوب الارض ولا من شمال=عشان يوم اضرب مناكبها يطير غبارها




انحمل جمال البدو والدرب ميلات وعدال=وسمحان بارك للحمول اصغارها وكبارها

[زبن الجعفري العنزي]

ياصاحبي يا صاحبي لاانتم عمام ولا خوال= ربعي رجال ٍ بالمواقف ماتضيع اشوارها
اخاف مايبقى على راسك شماغ ولاعقال=ميرادها ياصاحبي مايشبه لمصدارها

[الحشيشي]

منته بناهب شي بالحيله ولابالاحتيال=وعلومك ان صريتها حنا نفك اصرارها



مدري ثني ولارباع ابا تعشالي خيال=بعد التعب والليل الاظلم مابدور غارها

[زبن الجعفري العنزي]

انته حشيشي والحشيشي عندنا ماله مجال= الله يكافينا من شرور الزمن واخطارها
يكفيك زادك والجزيله كسب لاصحاب الجزال= والطياره ياصاحبي يقودها طيارها

[الحشيشي]

اننه كفو وعلوم االرجال كلها فيك بس تاخرك علي اتعبني



انته أسير القوم وخدودك مواريها غفال=ماتسمع الصياح ماخوذه يرفرف طارها



قريب من دونه جبال ابعيد من دونه رجال=عم اليتيمه فالبحور يتلها لخطارها

[زبن الجعفري العنزي]

ماعليك زود واعذرنا يالطيب

انا لقيتك بالحشيشي رجل ٍ تحب الجدال= ولا ادري انته من كبار الناس والا صغارها
وين الجبل ياصاحبي ماشفت ياكود السهال= ياراع البدله ترى بدلتك طاح زرارها

[زبن الجعفري العنزي]

المشاركة الأصلية كتبت بواسطة أسير الدرب

ماعليك زود واعذرنا يالطيب

انا لقيتك بالحشيشي رجل ٍ تحب الجدال= ولا ادري انته من كبار الناس والا صغارها
وين الجبل ياصاحبي ماشفت ياكود السهال= ياراعي البدله ترى بدلتك طاح زرارها

ياراعي تصحيح ياراع