صرااااحة لا حياة لمن تنادي

[مسعد الحويمضي]

ألا يا شعر مـا حنـا بأعـادي
بلاش من التجافـي والعنـادي
على شان أيش تجفى من يودّك
نسيت إن بيننـا ملـحٍ وزادي
تعال اليوم لك عنـدي مهمّـة
أبا أحطك على ظهر الشّـدادي
أبا أسلّمك مـن كفـي رسالـة
رسالة عطرها عنبـر وكـادي
توصّلها هنـوفٍ مـن سببهـا
عيوني مـا تهنّـت بالرقـادي
وتأخذ لك رسالة غير الأولـى
رسالة عطرها خشـم الزنـادي
تسلّمهـا لـعـذّال الـهـواوي
عسا ماله تواجد فـي بـلادي
ألا يا عاذلـي كـفّ النصايـح
صراحة لا حياة لمـن تنـادي
انا عاشق ولا في العشق حيلة
وأنا شاعر يهيـم بكـل وادي
إذا طرد الهوى ما فيـه حاجـة
أجل عشقي لخلي شيّ عـادي
ولن كان الهوى يحسب ملامـة
فهذي تعتبـر كبـوة جـوادي
لذلـك لا تطوّلـهـا وتتـعـب
ترى اللي ينصح العشّاق غااادي
وأنا باقي علـى المـوّال الأول
ولا ملّيت مـن ريـم البـوادي
ولا ينقص غلاها من ضميـري
أفـادي دونهـا يعنـي أفـادي
إذا طلّعتها مـن نـون عينـي
أنزّلها علـى عـرش الفـؤادي
ولـو عاتبْـت وإلا عاتبتنـي
يكون عتابنـا للبعـض هـادي
ولو تطلبنـي أجيهـا لأجيهـا
ولوّ أمشي على بطون الأيـادي
أنا قدّامهـا أعلنـت الهزيمـة
كما الأنصـار قِـدم الإتحـادي






الله

الله

الله


كذا الشعر

وهكذا الابداع


لافظ

فووووووووووووووك

وباقة ورد