العمــــــدة
جمال عقيل صايبها الجرب وخطامها مفلوت=تتالى من وزاها والزمان الصلف يشعاها
على روس النخل روثانه وبرحــّيه ونبـّوت=تقاربها اليدين الخالية والوقت يحداها
معجب العتيبي
ليا زاد الجرب فيها يبا يقفا جربها الموت=يجيها الموت يالعمده وهي في وسط مفلاها
يصل للقوت يارجال من يسعى لجلب القوت=ومن يبحث عن الحاجه لابده يوم يلقاها
العمــــــدة
مشاريه العرب تلحق بخيت وباخت ومبخوت=على قول المثل من جابها ياخوك وداها
بضاعة راعي الدكان ببس وفصفص وبسكوت=ياليته عن عيون الناس بالطربال غطاها
معجب العتيبي
مشاريه العرب ياصاحبي ماتنحسب بالصوت=لكن البيّنه للعين يابن الناس تملاها
تبا التجار فالدكان تبتاع السمك والحوت..؟=وتصبح قصه وعبره وكل الناس تقراها
العمــــــدة
والا يا سايق الطاره لو انك تكشف الكبوت=تبا تلقا المكينه زيتها ملخوط مع ماها
نباهم يسترون ثيابهم يا صاحبي ببشوت=مدام ان الثياب مشققه وش عاد يرفاها
معجب العتيبي
تقوله يوم جبت الحجه اللي ماعليها ثبوت=او انك تدرك الكلمه وتحفظها وتنساها
ترا كلٍ معه مبدا ولكّن البخوت بخوت=على قول المثل عن غلطتي عيني وش اعماها
العمــــــدة
لا والله ثابته لكنها يابن الكرام تفوت=على بعض الخلايق كلما جتها تعداها
يا كثر اللاعبين اللي يجيدون الجري والشوت=ولو سدد حداهم فالهدف ماقيل سواها؟
معجب العتيبي
اجل ليش اللجان مراقبه وتشاهده وسكوت=عسى ماهو من اللي في يده يافلان غذاها
ترا اللاعب ليا اخطا الشوت مايمنح علاها كروت=لكنه يمنح الفرصه مع التدريب لااخطاها
العمــــــدة
يا معجب جعل يفداك الردي واللاش والهلفوت=ترى سر المزون السارية في سد منشاها
مابين البث والاقمـــــار والتلفاز والريموت=غدت صورة وصوت لترفةً فالنبو مرعاها
معجب العتيبي
اجل خل الحيايا تموت فيها سمها المنكوت=ونفسك ياعميل الخير لاتبعد عن رضاها
حقايق والحقايق سرها وسط الصخر منحوت=ترا بعض الاماني ماتحقق لو تمناها
« آخـــر الـــمـــشـــاركــــات »
11-Aug-2008, 03:19 AM
العرض المتطور
