جمال عقيل صايبها الجرب وخطامها مفلوت=تتالى من وزاها والزمان الصلف يشعاها
على روس النخل روثانه وبرحــّيه ونبـّوت=تقاربها اليدين الخالية والوقت يحداها

ليا زاد الجرب فيها يبا يقفا جربها الموت=يجيها الموت يالعمده وهي في وسط مفلاها
يصل للقوت يارجال من يسعى لجلب القوت=ومن يبحث عن الحاجه لابده يوم يلقاها

مشاريه العرب تلحق بخيت وباخت ومبخوت=على قول المثل من جابها ياخوك وداها
بضاعة راعي الدكان ببس وفصفص وبسكوت=ياليته عن عيون الناس بالطربال غطاها

مشاريه العرب ياصاحبي ماتنحسب بالصوت=لكن البيّنه للعين يابن الناس تملاها
تبا التجار فالدكان تبتاع السمك والحوت..؟=وتصبح قصه وعبره وكل الناس تقراها

والا يا سايق الطاره لو انك تكشف الكبوت=تبا تلقا المكينه زيتها ملخوط مع ماها
نباهم يسترون ثيابهم يا صاحبي ببشوت=مدام ان الثياب مشققه وش عاد يرفاها