كــــبــــتــــــن عــــتــــــيـــبــــــــه . ما تفوووووووت .

[معجب العتيبي]

قادح شرار

بارك الله في ثبيت وبارك الله في عتيبه = ربعي عتيبه هل الطالة عزيزين المباني
القيامة قايمة وأشراطها هاذي قريبه = وما تقوم ألا ليا كبتن عتيبه جاء وزاني

كبتن عتيبه

بارك الله فالرجال اللي لهم قدراً وهيبه=درع جنبي ..تاج راسي..ربعي اطوال اليماني!!
والقيامه كان تعرف وقتها ..هذي مصيبه=والحقيقه مايمرّك وقتها الاّ إنسان ثاني!!

قادح شرار

فوق راسك قايمة ما فيه شك وماش ريبه = ليتك تعد الدقايق ليتك تعد الثواني
يمكن تواجهلك أحداث ٍ وساعات ٍ عصيبه = وأدع ربك تنختم معكم بورد وزعفراني

كبتن عتيبه

كل واحد في جبينه ..يا أبيض الشارب نصيبه=ولا تفسرها غلط ..عن الغلط يكرم لساني!!
بعد راح الطرقي اللي غايب الَّه في مغيبه=مالقينا في مكانه.. لا فلان ولافلاني!!

قادح شرار

كل شاعر في جبينه بصمتي دايم رهيبه = مير أببصم لك ببصمة جبتها لأهل السماني
وقتنا مقبل بخير وكل رجال ونصيبه = يا جعل ربي يوفقني وأنا راع الحصاني

كبتن عتيبه

الذهب يبقى ذهب..واليا تغيَّر وش نبيبه=وكان عندك بصمه ابصم فالورق يامودماني!!
العرب قامت تناقز فالحجاز وفي شعيبه=والفورارق بينهم.. ماغير في طول الأذاني!!

قادح شرار

واجب أوسّم حلالي لجل ما يوخذ نهيبه = وإن شردت أقول روّح يا جماعة ما يباني
إن بغيت الغرس شوفه يا عميلي في ركيبه = والمجنن ماش فرق ٍ كلهم معزا وضاني

التوقيع