عبدالله حبيٌب الزراقي
يامرحبا عدٌ دورات الايامي = ترحيبة ٍ فاول السطر مكتوبه
مطلوب يامعجب انته للاعدامي = روحك على ذمة الشرع مطلوبه
معجب العتيبي
الصاحب اللي كتب حرف قدامي=الله يبقيه ويديم مكتوبه
ياحبكم للنشر ياهل الاعلامي=حتى ولوهي سواليف مكذوبه
عبدالله حبيٌب الزراقي
الشيخ عنده تفاسير الاحلامي = والشاعر يجرٌ للناس مسحوبه
ماني من اهل الصحافه والاقلامي = انا ليا جاء الخوٌي استر عيوبه
معجب العتيبي
الشيخ مشغول في غسل الاحرامي=والشاعر اغووه بالحان مطلوبه
وشلون تستر.. ياكاتب وظلاّمي=ونفسك على المدح ماهيب مغصوبه
عبدالله حبيٌب الزراقي
ترا الهدف ياطويل العمر سامي = مار انت عينك عن الدرب معصوبه
انته صديقي ولا انته من اخصامي = لازل راس القدم زٌل عرقوبه
معجب العتيبي
حسبتها حسبت حروف وارقامي=ماضنها بالخطا جات محسوبه
انا ادري انك ياعبدالله قطامي=وهذاك رجلٍ يغرنه دروبه
« آخـــر الـــمـــشـــاركــــات »
27-Jun-2008, 12:35 AM
العرض الشجري