كبتن عتيبه
سلام والدنيا رحاها تستدير=واللي يحوّل من تحتها تطحنه!!
ياصاحبي معجب عسى حالك بخير=رفيقنا من حقنا ننشد عنه!!
معجب العتيبي
يامرحبا واللي على العالم يصير=عليك يالكبتن يجي شيٍ منه
الوضع ياكبتن معك جدا خطير=لاصار ماتنشد عن اصحابك سنه
كبتن عتيبه
يبى الله يخارج من عباده كثير=لا حلَّ يوم الميسره والميمنه!!
نشدت عنك وقالوا استاق البعير=وأخذوه أهل بيشه ولا اعطوه اثمنه!!
معجب العتيبي
في حينها بعض البشر وده يطير=والله عظيم الشان مايغفل سنه
اللي لنا ياصاحبي دايم بخير=لكنّ قلي ليش سيفك تركنه
كبتن عتيبه
يا مظهر اللؤلؤ من البحر الغزير=أصحى تعوّد فالدفينه تدفنه!!
ياصاحبي مايطلع السيف الشطير=الاّ للمواقيف الرجال البيّنه!!
معجب العتيبي
لامن نوينا العلم واصلنا المسير=طبعٍ لنا من ماضيات الازمنه
الوقت يمضي والعمر فات الكثير=والناس زادت هرجها بالالسنه
كبتن عتيبه
ابيلس لو يجيك في بشت الامير=قدَّام يضحك بك..يابن روق العنه!!
والمغتني ماهو بحاجه للفقير=ولو يبتسم له يمكن يجيه حسنه!!
معجب العتيبي
تفكيري بعقلي ولي قلب وضمير=يوم ان بعض الناس حاله محزنه
يبا يجيك الموت فالسيل الكبير=وانته تسو البيت وتشيل لحنه
كبتن عتيبه
لو جيتك بيومٍ عبوسٍ قمطرير=ليصير حالك مثل حال البوسنه!!
والموت حاصل للكبير وللصغير=الموت مايدري بهن ولا هنه!!
معجب العتيبي
لو جيتك بيومٍ تقول انه قصير=يصبح طويل وكل هرجٍ ترطنه
لكن عسى الله لايذوّقك المرير=يالكبتن اللي كل شاعر تفتنه
« آخـــر الـــمـــشـــاركــــات »
24-Jun-2008, 08:57 PM
العرض الشجري