عتاب موجه لحبيب .. مصافحه .,,

[بدرالهبيري]

السلام عليكم ورحمة الله وبركاته ..


قصيده خفيفه اتمنى ان تعجبكم يالغالين ..
وللعتاب بقيه ...

ياحبيبي وين غبت ووين رحت اليوم عني=ماتوقعتك كذا قاسي وقلبك من حجر
ليه بس الهجر قلي وش لفاك اليوم مني=لو خطاك اليوم يهرج قال لك يكفي غدر
من عرفتك وانت مخفي كل مايعنيك عني=يوم قلبي دفتر(ن) لك فاتحه من كم شهر
به قريت الحب وافي ليه تخلف فيك ضني=ليه تجزاني جروح وتودع افوادي جمر
آه من غربة مشاعر عشتها والقلب وني=من غيابك عشت ليلي هم واوجاع وسهر
كم بكيت وكم شكيت افعالك اللي من رمني=خاطري مكسور منها طال كسري ماجبر
والقهر ماتعترف بااغلاط في حقي لفني = ياحسافه راح وقتي معك ياخلي هدر
والسوالف كلها اللي جات من ظلمك كوني = المصيبه مايفيد اليوم عذر ولاصبر
وين عذرك يابخيل ابطيت وايامي طوني=شقك اللي فات من كثرالشقا زاد وكبر
وان رفيت الشق يمدي وان تركته بي غبني=بس لا تبطي عليْ ولا تطوْل عن شهر

وسلامتكم ...

تحياتي وتقديري .. بدرعيد ..

آخر تعديل بدرالهبيري يوم 13-May-2008 في 03:58 PM.

[ابراهيم الزراقي]

صح لسانك واعتلا شانك يامبدع

قصيده رائعه ومميزه ويشرفني اني اول من رد عليها

[بدرالهبيري]

الاخ العزيز ابراهيم الزراقي صح بدنك والرائع
حضورك ولي الشرف طال عمرك ..
تحياتي وتقديري .. بدرعيد ..

[عبدالله الجـــذع]

بدر

قصيده جزله من رآس جزل

صح لسآنك يالغالي

وانا ممن يستلذ بقرآءه قصائدك
لاتحرمنا جديدك

محبك

,’

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[بدرالهبيري]

الرائع عبدالله الجذع مااجمل حضورك
وردودك وتشجيعك فعلا ً احس هنا
انني بين اخواني لاهنت وصح بدنك يالطيب ..
تحياتي وتقديري .. بدرعيد ..

[نايف عريب الجد]

صح السانك يابوعيد وفعلا ً العتاب
في محله واضح من سياق القصيده
على مين الخطأ

[معجب العتيبي]

بدر الهيبري

قصيده جميله


صح لسانك وننتظر المزيد من روائعك


شكرا لك

التوقيع

[ابوصقر الحربي]

صح لسانك


ابوصقر

[/عبد العزيز الجذع/]

مبدع دائما يا بدر...


صح لسانك...


تحياتي....