بندر المرشدي
ناصر المرشدي راسه على الكيف خاوي=مار ابا اصب له فنجال يعدل مزاجه
من دلالٍ تقند من خيار القهاوي=لين ابو تركي يكيف ويضحك حجاجة
ناصرالمرشدي
تدري ان الهوى يلعب بقلب الهواوي=بين حزن الفراق وبين هم المواجه
ياقوي العزوم ويابعيد الهقاوي=المثل قال من ناجاك بالعرف ناجه
بندر المرشدي
احسب انك بعد طول الفراق متشاوي=واثرك الحاشي اللي مايخلي خلاجه
السوالف كثيرة وانت ما انته بغاوي=لابس الغندري لك معه يارجل حاجة
ناصرالمرشدي
احمد الله عرفت القصد ويش انت ناوي=عادة الحر يفهم والدجاجه دجاجه
مذهبي فالزمن مذهب بخيت العطاوي=ماعكست الطريق ولا عرفت الخواجه
بندر المرشدي
أنت جبت المصيبة يالطبيب المداوي=مار سوق البوادي لا تفارق حراجه
قد ذكر قصتك ياصاحبي كم راوي=اقرأها في كتاب الترمذي وابن ماجة
ناصرالمرشدي
ياطويل العمر حاول تطيح متساوي=كل واحد يابو سلطان يعرف خراجه
انت تفتي ولا عندك خبر بالفتاوي=كيف تترك قراح الماء وتشرب هماجه
« آخـــر الـــمـــشـــاركــــات »
12-May-2008, 01:33 AM
العرض الشجري