أهل الوفاء والطيب والعرف والخيل=الآد عاصم مزبن الكل جاني

[ناصر الجلاه]

المشاركة الأصلية كتبت بواسطة مشاري الشلاحي

أتشرف بإطلاعكم على كل ماهو جديد

وهذة قصيدة إهداء للآد عاصم قطمان المحازم

وإنشاء الله تجملني فيهم

يالله يامنشي صدوق المخاييل=ياعالمٍ مافي الخفا والبياني
أذكرك يالمعبود في تالي الليل=وأطلبك لدروب الهداة تهداني
واليا بغيت أمدح زحول الرياجيل=ماضنتي بيت القصيد يعصاني
الشعر له في وسط قلبي مداهيل=بين الضلوع القاسيات المحاني
أطوع الشرّد وأجر المواويل=وأمدح هل الطاله طوال اليماني
أهل الوفاء والطيب والعرف والخيل=الآد عاصم مزبن الكل جاني
أن كان راحت للسيوف المصاقيل=تشهد لهم شلفا ورمح وحصاني
وأن كانها راحت على البن والهيل=مايذبحون ألا خيار السماني
وقت الملاقا يشربون الفناجيل=ما همهم قولت فلان الفلاني
قومٍ تضد الخصم وتعدل الميل=يشهد لهم في الناس قاصي وداني
أهل الكرم والعز قومٍ حلاحيل=مافيهم اللي لأظلم الوقت شاني
أصغر ولد فيهم يقود المشاكيل=أن كانها جارت ليالي الزماني
وأكبرهم اللي ينطح الجدي وسهيل=متعليٍ فوق النجوم الثماني
يشهد سنام ويشهد طحي وعصيل=وتشهد لهم حتى ظهور السواني
لطامة العايل وذباحة الحيل=لا جاء لها الطرقي من الوقت عاني
قلته ولا أبغى من وراهم محاصيل=كود أن لهم بالقلب قدر ومكاني
ولا أذم أحد في الناس جيلٍ بعد جيل=متوارثين الطيب من عود فاني
وأنا مشاري وأحتمي القول لا قيل=وما جال في قلبي نطق به لساني
والمعذرة لن صار في الهرج تطويل=بختم بريح الهيل والزعفراني

مشاري بن معزي الشلاحي

..

مشاري الشلاحي

..


صح لسانكـ يابن معزي .. جزله من جزل


أهل الوفاء والطيب والعرف والخيل
الآد عاصم مزبن الكل جاني

ولاعلاكم زود انت وقبيلتك



سجل اعجااابي


دمت

..

التوقيع

القصيد اللي معانيه وبيوته = بالاشاده والشهاده يمتلكها ماكسبها من تحت كمه وكوته=لارسمها بالهواجيس وحبكها جمل الله حال من جمل ثبوته = وانتخى دون الجميله ماتركها كل متذوق لنا يدلي بـ/صوته=السعوديه .."حمد" (شاعر ملكها) آلف آلف مبروووك لقب شاعر الملك يا د. حمد العصيمي لتواصــل على الايميــل الجديد n200m@hotmail.com