يالسميري حط قسم وسمّه القسم المباشر

[عيد العازمي]

يالسميري حط قسم وسمّه القسم المباشر = اشغلونا بالطواريق القديمه يالسميري
من يسوّيها ضحى والليل ياتينا يفاشر = وان حصلّه رد منّا ننتظر ردّه عصيري

التوقيع

ليت الافكار مركب والهواجيس مينا=كان ماسج ريمه غير ركّاب ريمه!! العازمي

[سلمان الروقي]

العازمي صح السانك

في انتظار السمير وصح السانه مقدمآ

تحياتي,,,

[السميــــــري]

الله الله ..

والظاهر أني منهم
لأني الآن طالع يالعازمي .. وقتي مايناسب بس شاقتني بيوتك وبغيت أرد ونكملها فالوقت المناسب

أرسلو برقيّه لمرزوق فكاك المقاشر = لا تسنّدها عليه والقضيه للمديري!
أن لزمته لا تفكه وحشره حشرة محاشر = الجذع سلطان ولاّ الفالح أن جاء لك مغيري

التوقيع

ربيت في حضن الزمانُ وتربيتْ = وأخذت لي من مرّ الأيام قرطوع ومن دون حدي ماغلطت وتعديتْ = ولا آطى الخطاء لو كان للناس مشروع وأمشي على نهج الرجال النعاتيتْ = واتعب لها لو هي كما حبةَ الكوع ولا أحب كلمة ( ليــت ) لأنها ( ليــتْ ) = ماتدرك المقصود لا صار ممنوع

[قادح شرار]

العازمي : صح لسانك , دايم متميز .

السميري:والظاهر أني منهم
لأني الآن طالع يالعازمي .. وقتي مايناسب بس شاقتني بيوتك وبغيت أرد ونكملها فالوقت المناسب

مافيك شك ولا قصور يالسميري .

وننتظر متى يكمل اللعب ونشوف القضية .



تقبلوا مروري .



أخوكم/ قادح شرار.

[عيد العازمي]

القضيه هيّنه ماحتاج ضباط المخافر = لاتخلّى في لزومك يوم حطّيتك شويري
الجذع سلطان والفالح من اصحاب المفاخر = لاتتيع عن الطريق اللي بدعته من ضميري

خذ راحتك يالغالي وحشى من منهم

[نايف بن ملحق الثعلي]

العازمي صح لسانك مليون
السمبري صح السانك مليون

وانا في صف السميري ولايهون ابو طلال

التوقيع

ما هوب لازم توقيع00

[عيد العازمي]

سلمان - قادح شرار - نايف الروقى


صحت ابدانك نورتو المتصفح