العازمي
علامة الجودة وعشر امواصفات . امسجّله باسمك يابن فالح علي = غالي ومنزالك على حيد الجدي . واللي عقد روس الحبال ايحلها
لو تشرب الما خالطه سكر نبات . مالك عذر ياعلي عن موح الدلي = من خلقتي ماقط خاويت الردي . واللي عقد روس الحبال ايحلها
علي فلاح العضياني
ترى النشاما كاسبين الطايلات .. منزالهم دايم رفيع و معتلي =و ترى يا عيد اللاش حظّه مرتدي واللي عقد روس الحبال يحلّها
حنّا نورّدها على نهر الفرات... اللي قراحٍ ماه والمخرج ملي=وانته تورّدها على حيد المدي واللي عقد روس الحبال يحلّها
العازمي
الفحص مجتازه علي علمٍ ثبات . بالله يالاصحاب ذكّوله طلي = واستيكره عام وبعدها ايمددي . واللي عقد روس الحبـال يحلّهـا
اليا مدحك اصحابك اهل الاولات . اعرف ترى ماجاك من فضل الولي = واليا مشينا الدرب حذرا تحتدي . واللي عقد روس الحبـال يحلّهـا
علي فلاح العضياني
لا والله الاّ جابها ربّي وجات الله عقلها لا تهج مع الخلي =راحت وجات وحطّها الله في يدي واللي عقد روس الحبال يحلها
ما عاد فالدعوى يا عيد مجاملات ...قرّب لنا الجربا ونطلاها طلي=وقل للعرب هذي ءاوامر سيّدي واللي عقد روس الحبال يحلها
العازمي
تحتاج يارجّال بعض مسكّنات . فرحان بالاستيكر اللي ينطلي = اعدّك انته ياعلي مثل ولدي . واللي عقد روس الحبال يحلهـا
كل الكلام اللي لفاك امقدمات . واليا بغيت الصدق منت بند إلي = ارتاح في ظل النشاما يابعدي . واللي عقد روس الحبال يحلهـا
علي فلاح العضياني
أنا ليا جات العلوم الصاملات ...ماترتعد يمناي قلبي صاملي=والليله انا لازم اذبح لي فدي واللي عقد روس الحبال يحلها
صدقت والله ما هناك مقارنات .. بين الفضولي والامام الحنبلي=لكنّ بالتوفيق لك يا مبتدي واللي عقد روس الحبال يحلّها
العازمي
مدّاح نفسك والخفايا ظاهرات . وش عاد لو صدرك يغيض ويمتلي = لاشفتني ماتلتفت غار اتعدي .واللي عقـد روس الحبـال يحلّهـا
صاروخ واحد فجّر ام الطايرات . راحت كبينتها كبر ديرة بلي = عشان مرّه ثانيه ماتعتدي .واللي عقـد روس الحبـال يحلّهـا
علي فلاح العضياني
ترى الثقه ربّي مثبتها ثبات يا شاعرٍ فالمنتدى مالك حلي=وعن المعاني فاوّل القاف تغدي واللي عقد روس الحبال يحلها
انته توجهها على كلّ الجهات ..والدمّ يغلي في شرايينك غلي=هداك ربّي لين حتّى تهتدي واللي عقد روس الحبال يحلها
« آخـــر الـــمـــشـــاركــــات »
07-Mar-2008, 11:41 PM
العرض العادي
