علامة الجودة وعشر امواصفات . امسجّله باسمك يابن فالح علي = غالي ومنزالك على حيد الجدي . واللي عقد روس الحبال ايحلها
لو تشرب الما خالطه سكر نبات . مالك عذر ياعلي عن موح الدلي = من خلقتي ماقط خاويت الردي . واللي عقد روس الحبال ايحلها

ترى النشاما كاسبين الطايلات .. منزالهم دايم رفيع و معتلي =و ترى يا عيد اللاش حظّه مرتدي واللي عقد روس الحبال يحلّها
حنّا نورّدها على نهر الفرات... اللي قراحٍ ماه والمخرج ملي=وانته تورّدها على حيد المدي واللي عقد روس الحبال يحلّها

الفحص مجتازه علي علمٍ ثبات . بالله يالاصحاب ذكّوله طلي = واستيكره عام وبعدها ايمددي . واللي عقد روس الحبـال يحلّهـا
اليا مدحك اصحابك اهل الاولات . اعرف ترى ماجاك من فضل الولي = واليا مشينا الدرب حذرا تحتدي . واللي عقد روس الحبـال يحلّهـا

لا والله الاّ جابها ربّي وجات الله عقلها لا تهج مع الخلي =راحت وجات وحطّها الله في يدي واللي عقد روس الحبال يحلها
ما عاد فالدعوى يا عيد مجاملات ...قرّب لنا الجربا ونطلاها طلي=وقل للعرب هذي ءاوامر سيّدي واللي عقد روس الحبال يحلها

تحتاج يارجّال بعض مسكّنات . فرحان بالاستيكر اللي ينطلي = اعدّك انته ياعلي مثل ولدي . واللي عقد روس الحبال يحلهـا
كل الكلام اللي لفاك امقدمات . واليا بغيت الصدق منت بند إلي = ارتاح في ظل النشاما يابعدي . واللي عقد روس الحبال يحلهـا