خلوها

[نواف العازمي]

سلام رديه تقادح كلها نار وشرار
............................................واللي يبيها تدهر لاجا لزوم يكرها
الحر لامنه جزع كفخ بجنحانه وطار
.....................................الديره اللي جازع(ن)منها ماعاد يمرها

[نقا شباب]

ذيب العوازم ...

حياك الله مليون

ويشرفني العب معك

استلم

اهل(ن) هلا بك والقرار يصدره راع القرار=وليا صدر فيك القرار الله يكافي شرّها
الحر لا منه كفخ ترقا مراقيه الحرار=اكفخ عسى الله مايعوق بشر وترك برّها

[نواف العازمي]

ابك البقا ياللي ترحب والحلا دون المرار
................................................ال لي تذوق من حلاوتها يصالي مرها
العاقل اللي مايلفلف لايمين ولايسار
.............................................يمشي بدربه والعوارف عرفها ماغرها

[نقا شباب]

الله الله
خــــــــــــــــلوهـــــا

يا مكبر القالات والأبيض تغشّاه السمار=وشخص ٍ يحوّل في سعير النار يونس حرّها
العاقل الّي عقله يقدّيه في ليل ونهار=وبعض العرب عرّاف لاكن عرفها ما سرّها

[سلطان بن مقعد]

صح السنتكم ياالغالين عساكم علي القوه

نقاء يالعطاوي دووم في القمه ولايهون ذيب

تقبلووو مرور العطاووي

[نواف العازمي]

ترا بن آدم مقتفيه الموت قصاف العمار
.................................................و النفس لاجاها وعدها جا الملك ثم زرها
الرابح اللي اليا أرتحل مابه ضرر ولاضرار
.................................................و الخاسر اللي ضر غيره ثم نفسه ضرها

[مالك لوى]

صحت السنتكم واصلوا

[نقا شباب]

خـــــــــلّوهـــــــــــا

الله الله

صحيح يا ذيب العوازم ماش فدنيا قرار=وهل البخوت الطيبه حبل الهو ما جرّها
الرابح اللي يفرش بلحده من الجنّه خظار=والخاسر اللي مثل ما قالو يجي معترّها

[الاصمعي]

يسلاااام عليكم ياشعار


واصلوووووووووووو

متابع

[نواف العازمي]

الناس وسط السوق بالأسهم وفي سوق العقار
..........................................احدن خسر واحدن فلوسه في صراره صرها
أعوذ بالله صارت الدعوى مثل صالة قمار
.................................................. ...يختار له رقم شركه والتاجر له يفرها