سارح البال !! تفضل

[سلمان الروقي]

مرحبا حييت ياسارح ولك قدر وموده=من كريم إليا كريم وفي محلات الكرامي
البعير إلي تقوده والوسم في عرض خده=لاتفكه ثم يسريبه مع الليل الحرامي

[معجب العتيبي]

البقاء ياصاحبي سلمان من رجلٍ توده=قلتها لك ياعميلي حسب ترتيب النظامي
البعير اللي نقوده عن طريقه مانرده=عارفٍ دربه وله ممشاه يالحر القطامي

[سلمان الروقي]

الزمن دوار والايام تخفي ما بسده=من عرفها ماجهلها..من جهلها مايلامي
السفير الي عتيبه حطته ماحد ٍ يضده=شرهته ترجع علينا كان ماجاب الوسامي

[معجب العتيبي]

الزمن دوار يارجال والدنيا مكده=والله انه لايحوج المسلم لهش العظامي
السفير اللي تقوله بيّض الوجه ويسده=والبلا ياخوك تخطيط الحرامي بأنتظامي

[سلمان الروقي]

الرجال افعولها ماتظهر الا بكل شده=وانت ماتبغى وصيه .. وانتهى وقت السلامي
الرجل لو كان عندك يختلط مزحه وجده=بينه من نظرته لو كان غطاها الكلامي

آخر تعديل سلمان الروقي يوم 03-Jan-2008 في 11:09 PM.

[$ الحــيــران $]

ياسلام ياسلمان وسارح عساكم على القوة

[بندر الهيلا]

سلمان الروقي-سارح البال
صحت السنتكم واصلوا
محاورتكم هذه تذكرني بمحاورة (حبيب-وصل) والمعنى حوله

وتراني بصف سارح البال

تحيــــــــــــــــــــــاتي
..............................

[معجب العتيبي]

القناعه كنز لايفنا ولا نقدر نحده=والا انا معروف يارجال خالي والعمامي
لاتميّل للحسا وانته تبا مكه وجده=والمطيه قودها للدرب لاتفك الخطامي

آخر تعديل معجب العتيبي يوم 03-Jan-2008 في 11:15 PM.

[معجب العتيبي]

الحيران صح بدنك ياغالي


بندر الهيلا لا خلا ولاعدم والصف يزهابك طال عمرك

شكرا للمتابعه والحظور

[سلمان الروقي]

اثر سارح لو لحق بالقافله جابه ورده=ثم سوى له مقام ٍ ماحصل مثله مقامي
الشجيع إلي بوسط المعركه ماحد ٍ ينده=مايضيع سيفه ودرعه لاشاف الفعل حامي