مرحبا حييت ياسارح ولك قدر وموده=من كريم إليا كريم وفي محلات الكرامي
البعير إلي تقوده والوسم في عرض خده=لاتفكه ثم يسريبه مع الليل الحرامي

البقاء ياصاحبي سلمان من رجلٍ توده=قلتها لك ياعميلي حسب ترتيب النظامي
البعير اللي نقوده عن طريقه مانرده=عارفٍ دربه وله ممشاه يالحر القطامي

الزمن دوار والايام تخفي ما بسده=من عرفها ماجهلها..من جهلها مايلامي
السفير الي عتيبه حطته ماحد ٍ يضده=شرهته ترجع علينا كان ماجاب الوسامي

الزمن دوار يارجال والدنيا مكده=والله انه لايحوج المسلم لهش العظامي
السفير اللي تقوله بيّض الوجه ويسده=والبلا ياخوك تخطيط الحرامي بأنتظامي

الرجال افعولها ماتظهر الا بكل شده=وانت ماتبغى وصيه .. وانتهى وقت السلامي
الرجل لو كان عندك يختلط مزحه وجده=بينه من نظرته لو كان غطاها الكلامي

القناعه كنز لايفنا ولا نقدر نحده=والا انا معروف يارجال خالي والعمامي
لاتميّل للحسا وانته تبا مكه وجده=والمطيه قودها للدرب لاتفك الخطامي

اثر سارح لو لحق بالقافله جابه ورده=ثم سوى له مقام ٍ ماحصل مثله مقامي
الشجيع إلي بوسط المعركه ماحد ٍ ينده=مايضيع سيفه ودرعه لاشاف الفعل حامي