السلام عليكم ورحمه الله وبركاته
اخوكم الشاعر سعود محمد النداح العصيمي
وهذا مشاركتي في المسابقه وانا من ضمن العتبان الفائزين بالمسابقه
والقيت قصيدتي وعرضت اثناء توزيع الجوائز
اليكم القصيده
عز الرياض وعز وادي حنيفـه=وعز الاماره والامـور العظايـم
عدل الحكم سلمان بالعـز ريفـه=خمسين عامن كل ابوهـا غنايـم
تبصر بعدله عين حي(ن) كفيفـه=المجد له والطيـب والعـز دايـم
وتحيى به ارواح اليتامى الضعيفه=في عونت المظيـوم مـداد قايـم
ويكف دمع اللي دموعـه ذريفـه=ويعز من حظه مع النـاس نايـم
راعي اليدين الطاهرات الشريفه=لا مد يمنى الخير هبـت نسايـم
شوف الرياض اللي بكنفه عفيفـه=ما ضامها من شر الاحقاد ضايم
للحق والنومـاس يثنـي الكليفـه=مـا ياخـذه فالله تعذيـل لايـم
صلف المعاني والجمالات سيفـه=حراً على روس الطويلات حايـم
امعرب الجديـن يمنـى الخليفـه=شيخاً تسيد في زمـان الحكايـم
من بيت عز اهل السيوف الرهيفه=اهل الكرم واهل السخا والعزايـم
في صفحه التاريخ شامخ عريفـه=فيه المثل يضرب ولا له غرايـم
صعر خشوم الكايـدات العنيفـه=لا هوب يشريها ولا هوب سايـم
بالدين شامـخ والعقيـده حنيفـه=وهدي النبي ممشاه بالدين شايـم
سلطان نجد وعز ربـي حليفـه=في عهده الممدود عشنـا النعايـم
« آخـــر الـــمـــشـــاركــــات »
17-Jul-2007, 05:39 AM
العرض الشجري