نعلم فالعرب واخص من كنـه حصـاة ارزاح

[أبو مرحبا]

المشاركة الأصلية كتبت بواسطة أبو نجر النفيعي

السلام عليكم ..
قصيده قديمه لي واتمنى ان تنال لو القليل من اعجابكم

انا بسبح على المعنى ولن هاج البحر سبّاح = احوص ابها واصّرفها واعدّلها واعدّيها
تهيّض خاطري توّه وجاء كفي على المسباح = وقمت امازح الحبّه واسرّحها واضوّيها
واخايل في مزونٍ برقها من بينها قد لاح = يعدد لي سنا برقٍ بيوتٍ قمت اغنّيها
الا يا فكرتي باللي لبس محزم بدون سلاح = تحزّم في بريمه والرصاصه كيف يرميها
يهابد فالخلا الخالي ومخبل خاطره مرتاح = وفاهم علم هالدنيا من ادناها لقاصيها
ولن شفته تقول انه خذا بين الرجال اوشاح = وكل أديار خلق الله يذبّح في حصانيها
ولن عادت حقيقه شايلٍ قوسه بدون ارماح = ولايدري عن أولها وجاهل في تواليها
الا ياهل الخساير وينكم يا مطيب الارباح = يطيب اللي على نفسه يراقبها ويجنيها
ابا انصح بعض خلق الله وافهمها وانا النصّاح = وابا اعلّم من ايصلّي صلاةٍ ما نصليها
نعلم فالعرب واخص من كنه حصاة ارزاح=حصاة ارزاح ماتنزاح سبحانه مسويها
حقيقه والحقيقه نورها بين العرب وضّاح = يطيب الرجل لا منّه تمعّن في معانيها
ولن صعبة عليكم قدرها في نارها فوّاح= على جمر الغضى والنار تحرق رجل واطيها

.

وسلامتكم جميع ..

..

اخوكم / ابو نجر النفيعي

يــســـــلام عليك ياابونجر
قـــصـــــيـــــــدة رائـــــــــــعــــــــه
صــــــــح الــســــانـــــك

التوقيع

إن قلَّـت الوزنـه وربعـي مشافيـح ** أخلـي الوزنـه لربعـي واشـومـي

[أبو نجر النفيعي]

المشاركة الأصلية كتبت بواسطة أبو مرحبا

يــســـــلام عليك ياابونجر
قـــصـــــيـــــــدة رائـــــــــــعــــــــه
صــــــــح الــســــانـــــك

..
يامرحبا يامرحبا يابو مرحبا

والرائع وجودك .. وصح بدنك يالغالي.

ولاهنت.

.
أخوك.

التوقيع

.....