ياناصر القزلان للورد قطاف

[صنداح الزلامي]

[AREA]=الصريح العتيبي;368207][size=5]دعوت الاخوه اهل ضريه لزيارتي في مكه المكرمه ولبو الدعوه وبعد عودتهم ارسلوا هذه الابيات


دعوت الاخوه اهل ضريه لزيارتي في ه المكرمه
ولبو الدعوه وبعد عودتهم ارسلوا لي هذه الابيات
قال التميمي يوم نوخّ له القاف=ابيات يرسمها القمر في مداره
سلام يابيتاّ على حيد مشراف=لاصرت في بابه تشوف المناره
منارةّ تشرف على خير الاوقاف=قبله هل التوحيد رمز الطهاره
سلام عد اللي على الدايره طاف=صلى صلاه الصبح والاستخاره
ينصا الرفيق اللي للجواد مضياف=ماقام يحسب ربحها والخساره
عايض ولد سرحي ذرا كل خواف=امير لو ماشال ختم الاماره
له في طريق المجد والعز ميقاف=مايخذ من القسم غير الفقاره
بالمرجله وافي وبالشعر عراف=واليا نخيته قال رهن الاشاره
غطى على شعر العصيمي وصياف=تقول يبني بالقوافي عماره
لو للكرم كلمه تحدثّ بالانصاف=عطاه من صرف المعاني قراره
جيناه والمكتوب بالعين ينشاف=من يوم جتنا دعوته للزياره
حفاوة الترحيب من كل الاصناف=صدق المحبه والوفا والحراره
من روس قومّ جاوزوا كل الاوصاف=رجالهم بالطيب يقدح شراره
تسلطنوا في نجد وافين الاطراف=قبل الرخاء بالدار يرخي ستاره
عتبان حدوها على كل الاعراف=ماسايسوها بالدهى والشطاره
الا بحد الرمح والسيف قصاف=لاثور البارود مع كل غاره
يوم الذهب مايصرفه كل صراف=حطوا على ختم الشجاعه شعاره
اخذت لي مع هاجس الشعر محراف=ابيات من فكري مشت في مساره
ماتوفي الفكره ولو كانت الاف=لكن عن التقصير ساق اعتذاره
يخاف من ناسّ يحبون الارجاف=وكبودهم دايم عليها مراره
واختامها صلوا على نور الاشراف=اعداد من زار المدينه وزاره


















وكان الردبالابيات التاليه







ماهـل هـمـالاًً ومــارف رفــاف=مزناّ تضاحك بارقه في سماره

وماخايلوه أهـل المـزارع والأريـاف=وساقوعليه اهل المواشي بشاره

يامرحبـا بالخيـر النـادر الــواف=نمراّ تسلسل من مجاني نماره

بني تميـم اللـي يقـودون الأسـلاف=ويطوعون اللي براسه نعاره

في نجد وأطراف الجزيرة والأسيـاف=بنوله مجداّ عظيم وحضاره

يوم السنين الماضية غبـر وعجـاف=بفعولهم نالوا مكان الصداره

ماعلقـو عانـي ولاحطـو احــلاف=حليفهم سيف الظفر والجساره

واليـوم نالـو ورتقـو كـل مانـاف=قاده وحكام وقضاه وزاره

تميـم عـادات وتقاليـد واعــراف=ومجداّ بنى ساسه وثبت اجداره

ترضى ويرضون الشوافـع والأحنـاف=والحنبلي والمالكي في دياره

وتغضب ويغضب مدن وشعوب وضفاف=واللي يمين طويق واللي يساره

ياناصـر القـزلان للـورد قـطـاف=وانت اقتطفت اليانعه من ثماره

الشعر فيه من الجواهـر والأصـداف=نوعاّ كسب منه التميمي اخياره

والشعـر صيـد ابوارديـه وحـواف=يحتاج قناصه فنون ومهاره

وان نزهه راعيه عن كـذب وسفـاف=يصير له دايم رصيد وتجاره

ومن يختصر قوله عن اسهاب وسراف=اخذ جميله وارتقاء بالعباره

ونا طلبـت ابيوتـه الشـرد اسعـافي ساعة بين الهدو والاثاره

حايلته وعرضنـي اجنـوب وكتـاف=وذار وجفل ماعاد اوكد اغباره

اجيـه مـن قـدام ويعـود اخــلاف=وان طاع والا قلت اطيع اختياره

ولو طاع خليت القلم يرعـف ارعـاف=سطرت مابين الضلوع بغزاره

مشاعراًً لهل الوفـاء مثلـك انظـاف=ماخلقت الا للنقاء والطهاره

وسلم ودم مازرفلـت حـم الأشعـاف=وماعسعس الليل وتنفس نهاره



ــــــــــــــــــــــــــــــــــــــــــــــــــ ــــــــــــــــــــــــــ

ابيض وجه يالصريح قصايد جزله تشكر عليها

تقبل مروري يالغالي[/AREA]

آخر تعديل صنداح الزلامي يوم 04-Jul-2007 في 11:05 AM.