منــــاخ صبحـــــــا الاسطـــــــــوري

[عتيبـــــ ولد ــــــــة]

بســــــــــم الله والصلاة والســـــــلام على رسول الله .. وبعد ,,,

أولا ..
الله يعطيك العافية يا"عباس" يا ابن العم ..
كفيت ووفيت يا *باحث عتيبة* ..

أما "أبو قحط" فعليك بالركادة تركد وأنا أخوك ..
الدعوة مهب مهايط و(علي الحرام وعلي الحلال وعلي المستحب) ..!!!

ا خوي "عتيبة" متى جتكم عشان تقول دفعوا الجزية ..!!!
ماجوكم إلا مرة وحدة وهي المعروفة باسم: "المحدار" وعلى طول طردوكم للجنوب زي ما طردوا باقي القبائل ..
أما إنك تعطينا من هالرخيص وتعبر على كيفك وتفسر المقولات وتشرح الأبيات على كيفك ..
فهذه والله مشكلة ..!!!

خذ كلام شيخكم (ابن لبدة) وهو يتحدث عن قبيلة قحطان: "حتى وصل الإمر ألى انهم تمركزوا في نجد ولايمكن لاحد ان ينزل عليها الا بإذن او ان يسوق لذالك الهدو والقيود واستمر الحال على ذالك حتى قدمت احدى القبائل من الحجاز وطلبت من ابن هادي النزول إلى نجد لكنه رفض إلا ان يسوقوا الهدو والقيود , ونتج عن ذالك ان نشبت معارك كبيرة وكثيرة اخذت تلك القبيلة بعض مواقع قحطان في نجد"

ويقول ابن بليهد (الذي استشهدت منه) وهو يتكلم عن قبيلة مطير: "ثم جاءت قحطان ، فكانت بينهم وبين قحطان حروب . وأخرجتهم قحطان . وجاءت عتيبة وأخرجت قحطان"

هذا "ابن بليهد" الذي استشهدت منه يخبر وبكل وضوح عن إخراج "عتيبة" لـ "قحطان" ..
(أفتؤمنون ببعض الكتاب وتكفرون ببعض)

ومن القصائد المشهورة:

وادي الرشا مهب لحد من قديم ياكود من ســــــــاق الجمل ثم احتماه
خلـــوه بعد القسا "بني نضيـم" راحت شرايدهم لـ"صبحا و"الحصاة"

ويقول بديوي الوقداني:

عتيبة جناح الصقر وثبيت هامته ولايستوي طيـر بغيـر جنــــاح
ضدو بني قحطان ومطير كلهـــــا وخلوك يانجد العريـض بيـاح

ويقول الشيخ هذال ابن فهيد:

نرعـى الحـمـل بمـذلـق العـيـدان ديـرة عشـق وهديـف ابـن عـبـود
والشيـخ يـنـزل منـزلـه عـجــلان وشيـخ الفهـر عـن ديرتـه مطـرود

بعدن يالطيب أنت تقول:

دق ســلف موتــرك وشف قحطان في نجد ولا لا

وش تقصد بنجد !!!؟
إن كنت تقصد نجد الحديث إلي يمتد من الجنوب ليا الشمال .. ومن الشرقية ليا الحجاز ..
(حسب تحديده الجغرافي الحديث) فكل القبائل تسكنه ..!!! (((وأنا لا أعتقد تقصد هذا)))

أما إن كنت تقصد "نجد" القديم إلي تقاتلت القبائل من أجله .. وهو المعروف حينها بـ"نجد" ..
فإنه "وادي الرشا" كما حدده "ابن هادي" _ رحمه الله تعالى _ :

يا من يخبر شافي نجد ممطور وادي الرشا ما يا خد إلا ملاله

والآن "وادي الرشا" لـ"عتيبة" يابطل حليب السعودية ..!!!


ودق أنت سلفك وناظر بس انتبه !
لا تروح يم الجنوب وتقول شوفوا ديار "قحطان" ..
لا لا لا اطلع يم الحجاز ووادي الرشا وناظر وانتبه تزعل ألي في طريقك ثم تتكي في " صنعاء" مع "حجي علي قاسم" ..!!!

أتوقع وأنا أخوك الموضوع أوضح من الشمس ولا مجال لمناقشته مرة أخرى ,,
وهذا هو التاريخ .. لا مجال من الهرب منه ..

تقبل تحياتي ..

والســــــــلام ,,,


ولد عتيبة الروقي

آخر تعديل عتيبـــــ ولد ــــــــة يوم 08-Jun-2007 في 03:48 PM.