مادار في صحيفة الرياض بين الشيباني والدوسري ود.السبيعي حول منطقة الهضب

[بدراني دوسري]

السلام عليكم

انا من قبيلة البدارين الدواسر وبلادنا سدير والمحمل

لكن ما اعرفه عن الهضب هو لال زايد ويعرف من 800 سنة بهضب ال زايد ولا يعرف بهضب الدواسر او غيره ام الحمل والحميل في حزم الدواسر فيعرف بحزم الدواسر ولا يعرف باسم غيره

وحتى السوادة وهي جبال سود وحمر شمال الوادي فتعرف بسوادة الدواسر

وجميع هذه المناطق تشكل حوالي 20 من مساحة نجد او عالية نجد حسب كلام ابن جنيدل

وابن جنيدل مالف كتابه وقت الدواسر مسيطرين على هذه البلاد

وسيطرة الدواسرة من مئات السنين وفيها من مئات السنين وليس من فترة بسيطة وما نازعهم احد وغلبهم على بلادهم الا في الوقت الحاضر اللي صار كل امير عشيرة صغيرة او حمولة ما يجي عددهم خمسة انفار يبون يسوون لهم هجرة ومركز حتى يمشي لهم راتب من الدولة فصاروا الشيابين يطمعون في الظيرين والسبعان يطمعون في رغوة واللي حولها
وكل هذي البلاد من بلاد الدواسر من قديم الزمان
لكن الظاهر الواسطة هي اللي سمحت لبعض شيوخ القبائل يسمحون لهم انهم يحطون هجر في ديار قريبة منها وهذا ما سبب المشاكل الحالية ومنها الصك اللي يقوله السبيعي والمكتوب سنة 1424 هـ

الدواسر من القبائل اللي يكثر فيهم التدين الصحيح ومن الدين عدم الاعتداء على املاك الاخرين

والشاعر الدوسري القديم يذكر بلاد الدواسر:

لي ديرة قبليها في حاضا
وشماليها المشقوق والرقاش
وجنوبيها العد المسمى عد ال زايد
مضماه خرب ومن وراه مهناش

فالحد الشمالي من محافظة وادي الدواسر هي المشقوق والرقاش القريبة من التيس والضيرين
والقبلي اي جبل حاضا
والجنوبي هو عد ال زايد وبني خرب من الربع الخالي

وهذه بلاد الدواسر قبل القرن العاشر الهجري ولا زالوا

الا بعد التعدي الذي حصل على الدواسر من الشثور اهل الافلاج فداهمهم الدواسر واحتلوا الافلاج واخرجوهم وابادوا اكثرهم

ثم توسع الدواسر في برك والخرج والدلم من بلاد اليمامة والعارض

اخوكم

عبد الله بن عامر البدراني الدوسري