اليا هاجت افكاري وشبت وقيدها

[ابوجراح]

قال ابن مشرد من جزايل مثايله= قيلاً يعرفون العوارف دلايله
طيّر من اوكار الضماير قصيدها = نوبن يخايلها ونوبن تخايله
في جو هاجوسن تردم سحايبه = يبرق له الهم في مثاني مخايله
قيلاً سقيته مهجتي يوم فيّضت = وديان قلبن سيّل الهم مسايله
وحطيت له في بكرة القلب منزل = على الجال من فكرن توافد نزايله
نزايله من كل فج ٍ وصوب ٍ ووجهه = دقت مناسبها ولاهيب حايله
قلته عقب ماصرمد الهم من البطا = حدب الضلوع اللي فوادي تشايله
اليا شفت فعله قلت يادافع البلا = ادفع بلاه ونجني من فعايله
يالله دخيلك رد كيده ابنحره = ثم ارد حظه و اطرحه في حبايله
اليا هاجت افكاري وشبت وقيدها = دهاني الهم في عظايم هوايله
هم ٍ جلب خبث الروابع ثقيلها = اطاوعه من عظم شانه وأحايله
يجرح فوادي مابيمناه صارم = وترجح على مكيال وزني مكايله
واقول دور مرتع ٍ مرجع ٍ به الحيا = خضار عشبه ماتعين مثايله
مالك ومال الارض لاصفرّ عودها = عاين ضعنها قام يطوي زمايله
عنها العرب سارت ظعاين جموعها = صاحت على المرحال واقفت رحايله
ارض المحلّ والوقت ياشين عيشها = ليا شح براق الحيا في فضايله
دور على قلب ٍ خلي ٍ تغرشده = في صدر بواق ٍ من الناس عايله
ولا انته بلاقن كود من ضيع الجدا = اللي على ربعه يسنن سلايله
وبيبان قلب الحر بالقفل مقفله = بهموم ماهي مع مدى الدهر زايله
اهمومن على نيل المعالي وعزها = يمناه للعليا والامجاد طايله
مايردعه من دونها سو عاقبه = لو هدة ٍ فيها دمى القوم سايله
تسليت بالماضي وطيّب سوالفه =على حاضرن ترعى المذله خمايله
وعشت في وهمن ولاهوب واقع = وبالصبر قمت اجمع شرايد جفايله
واقول بالله ارتعي لاتريعي = عسى بقى من عسر وقتك قلايله
قد قيل مرباع النفوس بهواها = وخير الهوى من حصل العز قايله
وياقلب انا الحالك شفيقن وحسرتي = عليك في دنيًا عن الطيب مايله
اللي تباه وينبسط به خفوقك = جيته ولا غيرك من الناس جايله
كلاب حواء قالو انه تخلف = يعدون من ضرب الجهاله عمايله
والحال مما به من السقم كنه = شن ٍ قطر ماه ورموه بقوايله
والعين كن بنونها حامي القذا = شكى الهزوم وراح يذرف بلايله
ياويح قلبي لالبس ظلمة الدجى = لاقام يرسل لي عجايب رسايله
لحى الله جواب البين والبعد والنيا = ارخى على قلبي ثقايل حمايله
وسقى الله ليال ٍ يبهج الصدر ذكرها = يطرب لها من شتت الهم وسايله
وانا احمد الله يوم فضله غمرنا = بقول الحبيب ازكى البشر في شمايله
لن كان صاب الهم والغم مسلم = تكفّر على نفس ٍ من الذنب نايله
وصلاة ربي عد ماطار طاير = على رسولن ماتعدد جمايله

نوح صقر العتيبي

[مرزوق حمدان العتيبي]

..
.

صح لسانك يانوح على الابداع
الغير مستغرب.
...
اخوك
....

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[أبو نجر النفيعي]

..

.
ابداع وجزاله غير مستغربه يا نوح..
صح السانك على القصيدة الرائعه.

..
وننتظر جديدك..

..

.

موودتي

التوقيع

.....

[السميــــــري]

...
..

.

الله عليك يابو جرااااااااح ..
صراااااحة مذهله وجزله ..

دمت للهيلااااااا
ياشاعرهااا ..

بالتوفيق .

التوقيع

ربيت في حضن الزمانُ وتربيتْ = وأخذت لي من مرّ الأيام قرطوع ومن دون حدي ماغلطت وتعديتْ = ولا آطى الخطاء لو كان للناس مشروع وأمشي على نهج الرجال النعاتيتْ = واتعب لها لو هي كما حبةَ الكوع ولا أحب كلمة ( ليــت ) لأنها ( ليــتْ ) = ماتدرك المقصود لا صار ممنوع

[العارف]

الأخ أبو جراح


صح لسانك ولاهنت




مبدع وقصيدة رائعة

[ناصر بن محمد العتيبي]

يابو جراح


سجل اعجابي

في قصيدك الجزل ياجزل

[خلف بن مرزوق]

:::
::

لاجديد الا الابدااااااااع


حضووور يطغى على اي حضووور

صح لسااانك يبو صقر

ودمت للهيلا وللشعر وللاثراااااء


مودتي

.

التوقيع

اهداء لاعضاء وزوار الهيلا 777 77 7 ديوان الشاعرالعملاق / رشيد الزلامي ديوان الشاعر الكبير / حبيّب العازمي al3azmi@w.cn

[مشعل بن حويد]

ابو جراح كعادتك


متميز


صح لسانك ودام عطائك


اخوك

[عمرالروقي]

ابو جراح

صح لسانك

متميز
كعادتك
0
0
0
ومبدع دائما
0
0

اخوك

[فهيد مقعد الرويس]

وحطيت له بكرة القلب منزله

صح السانك يابو جراح

قمة الجزاله ولابداع

تقبل اجزل التحايا