السلام عليكم أيها الأحبه إهديكم هذه الأبيات المتواضعة وسامحوا لو زلّ القلم.........
كان ياما كان قصة واحدن راح امتهايب = يوم شاف الزين قز وفز وفك اللي عسايف
ثم تعوذ من بليس وقضب حباله قضايب = يوم ربه رد فكره اسمعوا بليا لقايف
لا تنشد لا تسئل لا ولانبغى عتايب = اسمعوا قولي تراني رايق(ن) والجو صايف
أتعجب في ديارن كل مافيها عجايب = أتعجب فاجتماع ضدود وافراق الولايف
كافر(ن) بالحيل مسلم..مسلمٍ بالحيل خايب = وابن شيخ(ن) جالسن له مع ردي الذات هايف
وشمحة تقدر تشب بكل رجال(ن) لهايب = شمحة بيضاء وتعشق فحمةٍ ياهم ظرايف
عالم(ن) ياناس ضايع..تايه(ن) وسط الخرايب = انحرم يسجد لربه ماخشع لله خايف
مايعرفون الصلاة..لاوربي هم زلايب = ولايعرفون الفضيلة رجس باثياب(ن) نظايف
الرجل يجلس وبنته تنكرب قدمه كرايب = ويتبسم لأجل أبوه ولأجل جدانه زنايف
كان لبّاس البراقع عذبوا ورع(ن) وشايب = كيف ياعيون الطهارة لالمحتيهم رشايف
كيف لو شفتي علوم(ن) عندهم ماهي غرايب = شيل..حط.. وخم..لم.. وزود مانقدر وصايف
ذا ولحمك يالجزور ابعيد والعالم جذايب = أحمد الله مايعرفونه ولاهم له غرايف
شي شاب الراس منه وصاح قلبي بالنحايب = ثم عويت عواك سرحان المسمى فالسفايف
ياقليبي لاتوجّع.. سكر المقرود ذايب = لايجيك الضغط تبلش..لاتموت من الحسايف
ولا تقرب يالبعير أشوف فالعالم جرايب = مايفيد ابهم تحيّن مايفيد ألا النسايف
عفتهم ودي أنا أرجع يم عطران الشنايب = يم ربع(ن) لي بديرة سميت بأم المصايف
فوق مرقاب(ن) صعيب(ن) شامخة فوق السحايب = رزّت جبال الحجاز تثني خشومٍ نوايف
ياديار العز والله كل ما صوت الهبايب = ذعذع ولحن القماري زاد بي وجدي لهايف
مير ياربي دخيلك واتّحسّن بالقرايب = واتْحَفظهم لين أعود وأمتلي بالعين شايف
ياإلهي ياحبيبي يابعد كل الحبايب = انك تسهل أموري وتفتح دروب(ن) زرايف
ثم أختم بالسلام عداد مافكت نشايب = بين خلق الله على اللي منبعث رحمة ورايف
وســــلامــــــــتــــــــكم
« آخـــر الـــمـــشـــاركــــات »
25-May-2006, 11:14 PM
كان ياما كان ...........!!!!!!
العرض العادي
